На запраўцы пад Мінскам каву налівае робат-барыста. Наколькі гэта зручна?
На адной з АЗС «А-100» у Навадворскім сельсавеце пад Мінскам з’явіўся аўтамат з робатам-барыстам, які сам гатуе каву і нават малюе латэ-арт на пенцы. Унутры ўстаноўкі ёсць кавамашына, апарат для малюнкаў і механічная рука, якая робіць увесь працэс — ад падстаўляння кубачка да падачы напою, піша pristalica.by.
У меню не вельмі шмат пазіцый: амерыкана, латэ, капучына, эспрэса і флэт-уайт, а таксама шакаладны напой. Карыстальнік можа выбраць цукар, тэмпературу, крэпасць і нават малюнак на пенцы.
Журналісты самі папрасілі робата-барысту прыгатаваць латэ і шакалад. Кава гатуецца прыкладна за дзве хвіліны, пры гэтым сам працэс выглядае як невялікае шоу. Малюнак на латэ атрымаўся акуратны, але сам напой па смаку аказаўся звычайным, як з аўтамата. Шакалад, наадварот, спадабаўся больш — ён атрымаўся насычаны і прыемны.
З мінусаў адзначылі складанае і перагружанае меню — шмат налад, у якіх не адразу разбярэшся, і часам прасцей замовіць каву ў жывога барысты.
Кошт усіх напояў аднолькавы — 6,50 рубля, аплата адбываецца на касе запраўкі. Аб’ём каля 240 мл.
Па выніку адзначаецца, што ў цэлым гэта цікавы вопыт і забава, але для тых, хто шукае сапраўды якасную каву, лепш выбраць звычайныя кавярні.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Каментары
Вроде ж победили эту буржуйскую привычку!)