«Было як землятрус». Украіна знішчыла вытворчасць сыравіны для выбухоўкі ў Смаленскай вобласці побач з Беларуссю
Уначы на 25 лютага быў нанесены паспяховы ўдар па хімзаводзе «Дарагабуж».
«Атака доўжылася некалькі гадзін. Тамтэйшыя параўноўвалі выбуховую хвалю з землятрусам. У горадзе перакрытыя дарогі, адмененыя заняткі», — піша расійскі ваенкар, які вядзе канал пад назвай «Запіскі ветэрана».
Хімзавод «Дарагабуж» у Смаленскай вобласці — аб'ект падвойнага прызначэння. Ён вырабляе азотныя ўгнаенні, але адначасова яго аміяк і аміячная салетра — сыравіна для выбухоўкі.
Згодна з фотаздымкамі, зробленымі відавочцамі здарэння, на тэрыторыі хімзавода спалахнуў моцны пажар, які можна назіраць за некалькі кіламетраў. Афіцыйна ўлады Смаленскай вобласці пра атаку нічога не паведамлялі.
ПАТ «Дарагабуж» —спецыялізуецца на вытворчасці азотных угнаенняў і хімпрадукцыі. Прадпрыемства належыць групе «Акрон». Украінскія дроны ўжо білі па заводзе ў снежні 2025 года. Тады на аб’екце таксама ўзнік моцны пажар, аднак абышлося без пацярпелых.
Па афіцыйнай інфармацыі, на заводзе загінулі 7 чалавекі, з іх трое ратавальнікаў, ёсць і дзясятак параненых. Гэта можа сведчыць пра дэтанацыю салетры ў выніку атакі.
Таксама ёсць паведамленні пра пападанне па Дарагабужскай ЦЭЦ. У кватэрах у гараджан няма вады.
«А 5—5:30 тут лёталі верталёты, лёталі дроны аднекуль з боку Сафонава. Мы ў акно глядзім, ляціць бліскучы, прыгажосці неапісальнай, гараць сінія і зялёныя яркія квадратам такім, я думала, што гэта коптар, і ляціць проста на нас, проста над нашым домам. Я прысела, галаву накрыла. Думаю, як зваліцца нам на дах. Тут лётаюць, кружаць гэтыя беспілотнікі, ракетамі іх збіваюць. Страшна вельмі», — расказала Ленте.ру жыхарка Дарагабужа.
Сёння ж УСУ паведамілі пра знішчэнне радара комплексу С-400 у Крыме і ЗРК «Панцыр» у Крыме.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу2
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары
Дарэчы, вось хоць бы гэты завод угнаенняў для "простых крестьян" мірны ці ваенны? Як там патлумачаць аматары шматлікіх пазьнякоўскіх допісаў пра адмену санкцыяў?