«Байсол» абвінаваціў Стрыжака ў адмове перадаць кантроль над юрыдычнымі асобамі ў Польшчы і ЗША
Юрыдычныя асобы BYSOL PL FOUNDATION у Польшчы і BYSOL USA International Foundation у ЗША, якія раней ствараліся для стратэгічнага развіцця і ўстойлівасці Фонду салідарнасці «Байсол», цяпер не кантралююцца камандай фонду. Яны не былі перададзены камандзе і застаюцца пад кантролем былога заснавальніка Аляксея Стрыжака, паведамляецца на сайце «Байсола».
У «Байсоле» паведамляюць, што пасля ўнутранага крызісу, які скончыўся сыходам з арганізацыі Андрэя Стрыжака, было прынята прынцыповае рашэнне: ён мусіў перадаць заснавальніцкія паўнамоцтвы ва ўсіх трох юрыдычных асобах BYSOL — у Літве, Польшчы і ЗША. Пра гэта было паведамлена камандзе, публічна агучана і замацавана ў рашэннях дырэктарату і заснавальніка фонду.
Аднак жа, як сцвярджаецца, дамоўленасці былі выкананыя толькі ў дачыненні да літоўскай арганізацыі, а кіраванне польскай і амерыканскай засталіся ў руках Стрыжака. Сваю пазіцыю ён патлумачыў жаданнем пачаць уласную дзейнасць і перайменаваць гэтыя структуры, заявіўшы, што змяніў сваё рашэнне і не мае сродкаў для рэгістрацыі новых юрыдычных асоб.
Каманда Bysol, па яе словах, прапанавала кампенсаваць Стрыжаку выдаткі на стварэнне новай арганізацыі ў Польшчы, але ён адмовіўся і паведаміў, што ўжо пачаў працэс перайменавання існай польскай структуры.
Гэтую адмову ў Bysol лічаць грубым парушэннем ранейшых дамоўленасцяў. Маўляў, гэтыя юрыдычныя асобы не з’яўляюцца прыватнай уласнасцю Стрыжака. Яны ствараліся і развіваліся сумеснымі намаганнямі каманды, партнёраў і донараў, а ўсе фінансавыя выдаткі пакрываліся праз літоўскую юрыдычную асобу Bysol.
Андрэй Стрыжак пакінуў «Байсол» у верасні 2025 года пасля скандалу з дзікпікамі.
40‑гадовы Андрэй Стрыжак займаўся праваабарончай дзейнасцю з 2007 года. Сярод ягоных заслуг — арганізацыя гуманітарнай дапамогі пацярпелым ад вайны на Данбасе. Ён быў арганізатарам кампаніі ByCovid19 і ініцыятывы BY_help, а пасля сузаснавальнікам Фонду салідарнасці BYSOL, дапамога якіх дайшла да тысяч людзей.
Цяпер чытаюць
Закінутую сядзібу Багдановічаў пераробяць у буціковы гатэль ФОТЫ4
Каментары