Банкаўскі працэсінгавы цэнтр папярэдзіў пра тэхналагічныя работы, запланаваныя на 11 верасня. З-за гэтага на працягу некалькіх гадзін у некаторых беларусаў могуць назірацца перабоі ў працы банкаўскіх картак.
У сувязі з гэтым у пятніцу, 11 верасня, з 00:00 да 06:30 могуць быць недаступныя некаторыя звыклыя аперацыі.
Магчымыя перапынкі ў абслугоўванні ўладальнікаў картак шэрагу банкаў будуць кароткачасовымі, але ўсё ж лепш загадзя здзейсніць важныя плацяжы і мець пры сабе наяўныя грошы.
Перабоі могуць таксама фіксавацца ў сетцы арганізацый гандлю (сэрвісу), пунктаў выдачы наяўных грошай, прылад самаабслугоўвання, банкаматаў, падключаных да сістэмы Банкаўскага працэсінгавага цэнтра, а таксама пры прадастаўленні паслуг яго кантакт-цэнтра.
Гэта датычыцца кліентаў Беларусбанка, Белаграпрамбанка, БСБ-Банка, Парытэтбанка, Сбер Банка, Белінвестбанка, МТБанка, Банка Дабрабыт, Белгазпрамбанка, Банка БелВЭБ, Банка ВТБ (Беларусь), Альфа-Банка. Яны з'яўляюцца партнёрамі Банкаўскага працэсінгавага цэнтра.
Каментары