Французскі шпіёнскі трылер пра беларускую дыктатуру прызнаны «экстрэмісцкімі матэрыяламі»
У кнізе «Ноа» хатняя гаспадыня Святлана перамагае на прэзідэнцкіх выбарах. Спецслужбы вывозяць Святлану з дзецьмі за мяжу, а яе мужа адпраўляюць у турму. Міжнародная група хакераў-актывістаў вырашае ўмяшацца і пачынае кібераперацыю супраць рэжыму дыктатара Лучыны.
Кніга французскага пісьменніка Марка Леві «Ноа» прызнаная «экстрэмісцкімі матэрыяламі» ў Беларусі. Адпаведнае рашэнне прыняў суд Цэнтральнага раёна Мінска, піша Reform.news.
«Ноа» — шпіёнскі трылер, дзеянне якога адбываецца ў Беларусі. Падзеі рамана разгортваюцца ў 2020—2022 гадах.
Вясной 2020 года хатняя гаспадыня Святлана перамагае на прэзідэнцкіх выбарах пасля 27 гадоў праўлення дыктатара Лучына. Спецслужбы вывозяць Святлану з дзецьмі за мяжу, а яе мужа Мікалая адпраўляюць у турму. У Беларусі пачынаюцца рэпрэсіі. У Мінску гіне журналістка, якая расследавала карупцыю сярод вышэйшага кіраўніцтва.
Паводле сюжэта рамана, міжнародная група хакераў-актывістаў («Група 9») вырашае ўмяшацца і пачынае кібераперацыю супраць рэжыму дыктатара Лучына: хакеры ўзломваюць закрытыя базы даных КДБ, выяўляюць таемныя афшорныя рахункі кіраўніцтва краіны, перахопліваюць кіраванне дзяржаўным тэлебачаннем, вывозяць з краіны сем'і рэпрэсаваных актывістаў і дапамагаюць апазіцыянерам пазбегнуць арыштаў.
Цяпер чытаюць
Лукашэнка: Што творыцца ў краіне, у нас усе гэтую гусь круцяць5
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары