У Гомельскай вобласці затрымалі 52‑гадовага жыхара Магілёўскай вобласці, які забраў пакет з грашыма, пакінуты ў дамоўленым месцы 12‑гадовым хлопчыкам, паведамляе прэс-служба МУС.
Зламыснікі патэлефанавалі школьніку пад выглядам замены дамафона, пасля чаго напалохалі выдуманай крымінальнай адказнасцю і арыштам бацькоў. Затым прымусілі знайсці ў кватэры каля 700 тыс. расійскіх рублёў (каля 25 500 беларускіх) сямейных зберажэнняў і схаваць іх на вуліцы.
Падчас далейшых аператыўных мерапрыемстваў была ўстаноўлена датычнасць затрыманага яшчэ да аднаго аналагічнага злачынства: 77‑гадовая пенсіянерка да прыходу міліцыянераў нават не здагадвалася, што стала ахвярай махляроў, перадаўшы кур’еру звыш Br120 тыс.
Следчыя распачалі крымінальную справу за махлярства, здзейсненае ў асабліва буйным памеры. Фігуранту пагражае да 12 гадоў пазбаўлення волі.
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары