У Гомелі дэмантуюць верхнія паверхі 10‑павярховага дома, які пацярпеў ад выбуху
У Гомелі пачалі падрыхтоўку да дэмантажу верхніх паверхаў пашкоджанага падчас выбуху пад’езда 10‑павярховага дома па вуліцы Косарава. Пра гэта паведаміў намеснік старшыні Гомельскага аблвыканкама Андрэй Бараноўскі пасля пасяджэння гарадскога штаба па ліквідацыі наступстваў надзвычайнай сітуацыі, піша БелТА.
Спецыялісты ацанілі стан канструкцый пашкоджанага пад’езда і прыйшлі да высновы, што дэмантаж верхніх паверхаў не паўплывае на суседнія пад’езды, таму для іх жыхароў пагрозы няма. Працэс дэмантажу пачнецца з самага верхняга перакрыцця і будзе працягвацца да 6‑га паверха, а далей будуць прымацца новыя рашэнні ў залежнасці ад вынікаў абследавання.
Гарадскі штаб працуе кругласутачна, і дэкларуецца, што будзе дзейнічаць у такім рэжыме да поўнага аднаўлення дома. Работнікі штаба індывідуальна звяртаюцца да кожнага жыхара, каб вызначыць неабходную падтрымку, а таксама арганізоўваюць збор рэчаў і тэхнікі, бо людзей эвакуявалі ў тэрміновым парадку. Адначасова вызначаецца месца для размяшчэння іх маёмасці і праводзіцца ацэнка пашкоджанняў.
Асобна знаходзіцца пад кантролем пытанне кампенсацый, а таксама надання сацыяльнага ці арэнднага жылля.
Выбух у кватэры ў доме на гомельскай вуліцы Косарава адбыўся 17 снежня, у выніку абрынуліся перакрыцці ў трох кватэрах. Ад інцыдэнту пацярпеў і найбліжэйшы дзіцячы сад. Выбуховай хваляй у будынку выбіла шкло. Акрамя таго, пацярпелі як мінімум два аўтамабілі, што стаялі непадалёк.
Жывых людзей пад заваламі не выяўлена. Ці ёсць загінулыя, інфармацыі няма.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак16
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары
из доклада цк кпсс