У Гомелі працягваецца ліквідацыя наступстваў выбуху ў жылым доме ў на вуліцы Косарава. У выніку здарэння там абваліліся перакрыцці кватэр. Інфармацыі пра пацярпелых пакуль няма, але частку жыхароў давялося эвакуяваць.
Пасля выбуху газава-паветранай сумесі ў доме на вуліцы Косарава прайшло пасяджэнне камісіі па надзвычайных сітуацыях. Начальнік Гомельскага абласнога ўпраўлення МНС Сяргей Дычкоўскі паведаміў, што ўсім жыхарам, якім патрэбна пражыванне, далі гатэлі з харчаваннем.
Восем чалавек, якім патрабавалася жыллё, размясцілі ў гатэлі «Сож», астатнія засталіся ў сваякоў. Жыхарка дома Наталля расказала, што падчас выбуху была на працы, а пазней ёй патэлефанавалі суседзі і супрацоўнікі міліцыі з просьбай тэрмінова пакінуць дом. Жанчына адзначыла, што ў іх кватэры падчас выбуху быў толькі кот Саша, якога супрацоўнікі МНС злавілі аддалі ёй.
Эвакуацыямі кіруе старшыня Гомельскага гарвыканкама. Асноўная задача цяпер — умацаваць знешнія сцены будынка і разбраць унутраныя канструкцыі.
«Для фіксацыі агульнай следавой карціны і разлёту абломкаў зроблена аэрафотаздымка з выкарыстаннем квадракоптара. Праводзіцца агляд тэрыторыі, прылеглай да дома, зафіксаваныя вонкавыя пашкоджанні будынка», — паведамілі ў Следчым камітэце.
На месцы працуюць псіхолагі МНС. Таксама супрацоўнікі МНС і прадстаўнікі Чырвонага Крыжа арганізавалі модулі для абагрэву і падтрымкі людзей.
Профільныя спецыялісты на працягу дня агледзяць дом на адрасе вуліца Косарава, 3 і дадуць рэкамендацыі па яго далейшай эксплуатацыі.
Намеснік старшыні Гомельскага аблвыканкама Андрэй Бараноўскі адзначыў, што ў пацярпелым пад’ездзе жылі 78 чалавек, у тым ліку 11 дзяцей і 4 пажылых людзей, якім неабходны пасцельны рэжым. Для іх арганізаваны асаблівы догляд.
Выбух адбыўся на сёмым паверсе, дзе знаходзіліся пенсіянеры, якіх тэрмінова эвакуавалі і аказалі дапамогу.
Каментары