U Homieli praciahvajecca likvidacyja nastupstvaŭ vybuchu ŭ žyłym domie ŭ na vulicy Kosarava. U vyniku zdareńnia tam abvalilisia pierakryćci kvater. Infarmacyi pra paciarpiełych pakul niama, ale častku žycharoŭ daviałosia evakujavać.
Paśla vybuchu hazava-pavietranaj sumiesi ŭ domie na vulicy Kosarava prajšło pasiadžeńnie kamisii pa nadzvyčajnych situacyjach. Načalnik Homielskaha abłasnoha ŭpraŭleńnia MNS Siarhiej Dyčkoŭski paviedamiŭ, što ŭsim žycharam, jakim patrebna pražyvańnie, dali hateli z charčavańniem.
Vosiem čałaviek, jakim patrabavałasia žyllo, raźmiaścili ŭ hateli «Sož», astatnija zastalisia ŭ svajakoŭ. Žycharka doma Natalla raskazała, što padčas vybuchu była na pracy, a paźniej joj patelefanavali susiedzi i supracoŭniki milicyi z prośbaj terminova pakinuć dom. Žančyna adznačyła, što ŭ ich kvatery padčas vybuchu byŭ tolki kot Saša, jakoha supracoŭniki MNS złavili addali joj.
Evakuacyjami kiruje staršynia Homielskaha harvykankama. Asnoŭnaja zadača ciapier — umacavać źniešnija ścieny budynka i razbrać unutranyja kanstrukcyi.
«Dla fiksacyi ahulnaj śledavoj karciny i raźlotu abłomkaŭ zroblena aerafotazdymka z vykarystańniem kvadrakoptara. Pravodzicca ahlad terytoryi, prylehłaj da doma, zafiksavanyja vonkavyja paškodžańni budynka», — paviedamili ŭ Śledčym kamitecie.
Na miescy pracujuć psichołahi MNS. Taksama supracoŭniki MNS i pradstaŭniki Čyrvonaha Kryža arhanizavali moduli dla abahrevu i padtrymki ludziej.
Profilnyja śpiecyjalisty na praciahu dnia ahledziać dom na adrasie vulica Kosarava, 3 i daduć rekamiendacyi pa jaho dalejšaj ekspłuatacyi.
Namieśnik staršyni Homielskaha abłvykankama Andrej Baranoŭski adznačyŭ, što ŭ paciarpiełym padjeździe žyli 78 čałaviek, u tym liku 11 dziaciej i 4 pažyłych ludziej, jakim nieabchodny paścielny režym. Dla ich arhanizavany asablivy dohlad.
Vybuch adbyŭsia na siomym paviersie, dzie znachodzilisia piensijaniery, jakich terminova evakuavali i akazali dapamohu.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary