Напярэдадні Дня юрыста ў Мінску адкрылі будынак Апеляцыйнага эканамічнага суда, паведамляе sb.by. Ён размясціўся на вуліцы Мяснікова, 5.
На трох паверхах размясцілі восем залаў судовых пасяджэнняў, памяшканне для прэзідыума, кабінеты для кіраўніцтва і супрацоўнікаў. А вось апошні ўзровень выдзелілі для Дэпартамента архіваў і справаводства Міністэрства юстыцыі Рэспублікі Беларусь і рэдакцыі часопіса «Архівы і справаводства».
Будынак прыстасаваны для безбар'ернага асяроддзя і абсталяваны сучаснымі інжынернымі сістэмамі, ён удачна падзелены на зоны для наведвальнікаў і супрацоўнікаў. Ва ўсіх залах судовых пасяджэнняў ёсць сістэмы аўдыё- і відэафіксацыі.
Апеляцыйны эканамічны суд запрацуе з 1 студзеня 2026 года. То бок з даты ўступлення ў сілу Кодэкса грамадзянскага судапрацэсу.
Пачатак новаму суду паклаў указ Аляксандра Лукашэнкі. Дакументам было прадугледжана стварэнне трохузроўневай сістэмы эканамічных судоў.
Дзейнасць судоў першай і апеляцыйнай інстанцый падзеляць. Гэта стане важным крокам у павышэнні эфектыўнасці ажыццяўлення правасуддзя ў эканамічных справах.
Працоўныя месцы ў ім атрымаюць 27 суддзяў, уключна са старшынём і яго намеснікамі. Штат фармуюць за кошт колькасці суддзяў і работнікаў апаратаў іншых судоў.
Цяпер чытаюць
Беларуска адначасова мела два грамадзянствы — але даведалася пра гэта толькі ў 21 год. Як так выйшла?1
Каментары