Уладзімір Пуцін і Віктар Орбан правялі перамовы ў Маскве.
Прэм'ер Венгрыі адзначыў, што ён сустракаецца ўжо 14‑ы раз з Пуціным, знаходзячыся на пасадзе прэм’ер-міністра.
«Украіна — гэта сусед Венгрыі, таму Венгрыя ў поўнай меры адчувае ўплыў украінскага канфлікту на сабе. У тым ліку, мы нясем адчувальныя эканамічныя страты», — сказаў Орбан.
«Венгрыя зацікаўленая ў міры, і мы шчыра спадзяемся, што нядаўна апублікаваныя мірныя ініцыятывы ўрэшце прывядуць да выніку», — дадаў ён.
Венгрыя гатовая забяспечыць пляцоўку для мірных перагавораў і гатовая садзейнічаць паспяховаму завяршэнню гэтага працэсу, сказаў Орбан.
Пуцін у адказ падзякаваў венгерскаму прэм’ер-міністру і адзначыў, што ідэя правесці перамовы ў Будапешце належала прэзідэнту ЗША Дональду Трампу.
Разам з Орбанам у Маскву прыехаў кіраўнік МЗС Венгрыі Петэр Сіярта.
У сустрэчы таксама ўдзельнічаюць міністр замежных спраў Расіі Сяргей Лаўроў, памочнік прэзідэнта Расіі Юрый Ушакоў і віцэ-прэм’ер Аляксандр Новак.
Перад сустрэчай з Пуціным Орбан напісаў у сацсетцы X, што галоўная мэта яго візіту — гарантаваць энергетычную бяспеку Венгрыі.
-
Адзін з пілотаў спрабаваў накіраваць самалёт у зямлю, другі перашкодзіў гэтаму. Драматычныя падзеі на борце з Дубая ў Тэль-Авіў
-
Расійскія спецслужбы рыхтавалі забойствы Каспарава, Панамарова і іншых апазіцыянераў — El Mundo
-
Пасольства Расіі ў Ірландыі прыгразіла прымяненнем ядзернай зброі ў выпадку блакады Калінінграда
Каментары
Он абидицца