У Печах сёння адбылася ўрачыстая цырымонія прыняцця ваеннай прысягі, на якой прысутнічаў міністр абароны Віктар Хрэнін.
Больш за 10 тысяч навабранцаў па ўсёй краіне прамовілі словы вернасці Радзіме, а разам з імі — іх сем’і, блізкія і сябры, якія прыехалі падтрымаць маладых вайскоўцаў у гэты важны дзень, піша «Мінская праўда».
Міністр падкрэсліў, што сама традыцыя праводзіць сыноў у армію ўсёй сям’ёй стала добрай і аб’ядноўваючай: «Тэкст прысягі пачынаецца са слоў, якімі новабранец вызначае сябе як грамадзяніна Рэспублікі Беларусь. Прыносячы клятву на вернасць Радзіме, ён бярэ на сябе вялікую адказнасць — перш за ўсё, за яе абарону. І гэтую адказнасць малады мужчына павінен будзе несці праз усё сваё жыццё».
Віктар Хрэнін адзначыў, што праграмы баявой падрыхтоўкі ў Узброеных сілах значна змяніліся. Сёння акцэнт робіцца на індывідуальную падрыхтоўку: агнявую, тактычную, інжынерную, авалоданне тактычнай медыцынай, кіраванне беспілотнымі лятальнымі апаратамі і супрацьдзеянне ім.
«Мы разумеем, што менавіта фізічная вынослівасць ляжыць у аснове валодання ўсімі ваеннымі спецыяльнасцямі і з’яўляецца фундаментам баяздольнасці. Ацэнка «добра» і вышэй — гэта прахадны бал для службы па кантракце. Але і тэрмінавікамі прыйдзецца сур’ёзна папрацаваць над сваёй вынослівасцю», — сказаў ён.
Міністр абароны адзначыў, што змянілася стаўленне моладзі да службы: расце цікавасць да кантрактнай службы, а значыць, патрабаванні да адбору ўзмацняюцца.
«Сёння мы маем магчымасць выбіраць лепшых хлопцаў. Не толькі высокая матывацыя, але і высокая фізічная падрыхтоўка становяцца абавязковымі ўмовамі», — сказаў Віктар Хрэнін.
Цяпер чытаюць
Пасажыры аўтобуса Мінск — Анапа, у які трапіў дрон пад Бранскам, расказалі, што адбывалася3
Каментары