U Piečach siońnia adbyłasia ŭračystaja cyrymonija pryniaćcia vajennaj prysiahi, na jakoj prysutničaŭ ministr abarony Viktar Chrenin.
Bolš za 10 tysiač navabrancaŭ pa ŭsioj krainie pramovili słovy viernaści Radzimie, a razam ź imi — ich siemji, blizkija i siabry, jakija pryjechali padtrymać maładych vajskoŭcaŭ u hety važny dzień, piša «Minskaja praŭda».
Ministr padkreśliŭ, što sama tradycyja pravodzić synoŭ u armiju ŭsioj siamjoj stała dobraj i abjadnoŭvajučaj: «Tekst prysiahi pačynajecca sa słoŭ, jakimi novabraniec vyznačaje siabie jak hramadzianina Respubliki Biełaruś. Prynosiačy klatvu na viernaść Radzimie, jon biare na siabie vialikuju adkaznaść — pierš za ŭsio, za jaje abaronu. I hetuju adkaznaść małady mužčyna pavinien budzie nieści praz usio svajo žyćcio».
Viktar Chrenin adznačyŭ, što prahramy bajavoj padrychtoŭki ŭ Uzbrojenych siłach značna źmianilisia. Siońnia akcent robicca na indyvidualnuju padrychtoŭku: ahniavuju, taktyčnuju, inžyniernuju, avałodańnie taktyčnaj miedycynaj, kiravańnie bieśpiłotnymi latalnymi aparatami i supraćdziejańnie im.
«My razumiejem, što mienavita fizičnaja vynoślivaść lažyć u asnovie vałodańnia ŭsimi vajennymi śpiecyjalnaściami i źjaŭlajecca fundamientam bajazdolnaści. Acenka «dobra» i vyšej — heta prachadny bał dla słužby pa kantrakcie. Ale i terminavikami pryjdziecca surjozna papracavać nad svajoj vynoślivaściu», — skazaŭ jon.
Ministr abarony adznačyŭ, što źmianiłasia staŭleńnie moładzi da słužby: raście cikavaść da kantraktnaj słužby, a značyć, patrabavańni da adboru ŭzmacniajucca.
«Siońnia my majem mahčymaść vybirać lepšych chłopcaŭ. Nie tolki vysokaja matyvacyja, ale i vysokaja fizičnaja padrychtoŭka stanoviacca abaviazkovymi ŭmovami», — skazaŭ Viktar Chrenin.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary