Ругінене: Нам удаецца кантраляваць не толькі кантрабанду, але і самі шары
Прэм’ер-міністарка Літвы Інга Ругінене заявіла, што яе краіне ўдаецца трымаць пад кантролем гібрыдныя атакі з боку Беларусі — у тым ліку запуск кантрабандных паветраных шароў, якія парушаюць паветраную прастору, паведамляе LRT.
«Вы, напэўна, самі бачыце, што мы ўсё радзей закрываем аэрапорт, што нам удаецца кантраляваць не толькі кантрабанду, але і самі шары, якія ляцяць у бок аэрапорта. Гэта пазітыўны знак», — заявіла прэм'ер-міністарка Літвы журналістам пасля пасяджэння ўрада 12 лістапада.
Інга Ругінене паведаміла таксама, што з Беларусі паступіў ліст з прапановай пачаць перамовы, і ўрад «ацэніць гэты сігнал і прыме адпаведныя рашэнні».
Пры гэтым яна падкрэсліла, што Літва закрыла мяжу, каб спыніць гібрыдную атаку праз паветраныя шары, і адзначыла, што перавозчыкі, якія цяпер застаюцца на тэрыторыі Беларусі, сталі «закладнікамі сітуацыі». Паводле яе, пратэставаць трэба не супраць літоўскіх уладаў, а супраць рэжыму ў Беларусі.
Кіраўніца літоўскага ўрада таксама нагадала, што падарожнічаць і весці бізнэс з Беларуссю цяпер небяспечна, а рашэнне пра закрыццё мяжы не было нечаканым — улады папярэджвалі пра гэта загадзя.
Акрамя таго, урад падтрымаў папраўкі да Крымінальнага кодэкса, якія ўзмацняюць адказнасць за кантрабанду, калі яна стварае пагрозу грамадскай або нацыянальнай бяспецы. Змены падрыхтавала Міністэрства ўнутраных спраў у адказ на частыя выпадкі запуску кантрабандных шароў з тэрыторыі Беларусі, якія парушалі працу аэрапортаў у Вільні і Коўне.
Міністр унутраных спраў Уладзіслаў Кандратовіч заявіў, што цяперашнія санкцыі «недастаткова стрымліваюць парушальнікаў», бо за кантрабанду, эквівалентную каля 1500 пачак цыгарэт (прыкладна 6000 еўра), цяпер пагражае толькі адміністрацыйны штраф, а не крымінальная адказнасць.
Старшыня асацыяцыі літоўскіх перавозчыкаў назваў Беларусь «тэрарыстычнай дзяржавай»
Міністр унутраных спраў Літвы прапанаваў перавозчыкам пратэставаць у Беларусі
Рыжанкоў заявіў, што Беларусь выступае за як мага хутчэйшае аднаўленне нармальнага функцыянавання мяжы з Літвой
Дарадца прэм'ера Літвы: Беларусь адмовілася адкрываць эвакуацыйныя калідоры для літоўскіх фур
У Літве расказалі, ці просяць ЗША вярнуць транзіт беларускіх угнаенняў праз Клайпеду
Міністр замежных спраў Літвы назваў умову, калі Вільня можа адкрыць мяжу з Беларуссю
Каментары