Кітай імпартаваў беларускіх тавараў на $1,44 мільярда. Што туды ідзе?
У студзені — жніўні 2026 года Кітай імпартаваў з Беларусі тавараў прыкладна на $1,44 млрд. Больш за палову гэтай сумы прыпала на калійныя ўгнаенні, піша Myfin.by.
Фота ілюстрацыйнае
Ключавым таварам, які Кітай купляе ў Беларусі, застаюцца калійныя ўгнаенні. Па выніках 8 месяцаў за імпарт беларускага калію Кітай заплаціў $903,7 мільёна.
У топ-5 пазіцый кітайскага імпарту з Беларусі таксама ўвайшлі:
- рапсавы алей — $154,7 мільёна;
- лесаматэрыялы прадольна-распілаваныя — $135,1 мільёна;
- малочная сыроватка; прадукты з натуральных кампанентаў малака — $44,3 мільёна;
- мяса буйной рагатай жывёлы, замарожанае — $42,8 мільёна.
Таксама ў 2026 годзе з Беларусі на кітайскі рынак паступаюць цэлюлоза, торфапрадукцыя, драўняна-стружкавыя пліты, шклавалакно, мяса і харчовыя субпрадукты свойскай птушкі, шакалад, гарэлка і іншыя тавары.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2929
Каментары