Кіроўцаў аўтобусаў папулярнага ўнутрыбеларускага маршрута адзелі ва ўніформу
Кіроўцы аўтобусаў, якія выконваюць рэйсы па маршруце Мінск — Гродна і назад, цяпер апранаюцца ў адзіным стылі.
Для цёплага сезона — лаканічныя пола, для восеньска-зімовага перыяду — уцепленыя камізэлькі ў карпаратыўных колерах з лагатыпам сэрвісу, паведамляе abw.by са спасылкай на Міжрэгіянальную асацыяцыю перавозчыкаў.
«Прынялі такое рашэнне па некалькіх прычынах. Калі кіроўца выглядае акуратна і прыстойна, пасажыр адчувае ўпэўненасць, што перад ім прадстаўнік адказнага перавозчыка. Уніформа стварае адчуванне парадку і сістэмнасці. А гэта вельмі важна для сферы, дзе ключавую ролю адыгрываюць давер і бяспека», — адзначаюць прадстаўнікі кампаній.
Маршрут Мінск — Гродна — адзін з самых папулярных у краіне.
Каля года таму адразу некалькі кампаній, якія працуюць на напрамку Гродна — Мінск, замянілі маршруткі на вялікія аўтобусы. Пры гэтым абнаўленне закранула не толькі тэхніку, але і візуальную складовую. Усе аўтобусы атрымалі фірменную аклейку — з нацыянальнымі беларускімі матывамі і выявамі славутасцяў. Новыя камплекты адзення для вадзіцеляў, распрацаваныя перавозчыкамі разам з сэрвісам продажу і браніравання білетаў «Атлас», дапоўнілі гэты стыль.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары