У чацвер а 14‑й у Стакгольме будзе названы нобелеўскі лаўрэат па літаратуры.
За суткі да абвяшчэння букмекеры вызначылі сумесных фаварытаў з каэфіцыентам 10/1, пакуль літаратурныя колы рыхтуюцца да чарговага непрадказальнага выбару Шведскай акадэміі.
Гэта кітайская авангардная пісьменніца Цань Сюэ, вядомая сваёй сюррэалістычнай апавядальніцай манерай. Яе раманы «Апошні каханак» і «Межы» замацавалі яе як сучасную візіянерку сусветнай літаратуры, і яна ўжо некалькі гадоў фігуруе сярод фаварытаў на Нобелеўскую прэмію.
Таксама фаварытам з каэфіцыентам 10/1 называюць венгерскага пісьменніка Ласла Краснахоркаі, які больш за 10 год называецца сярод фаварытаў.
Раней сярод фаварытаў на Нобеля ў гэтым годзе называліся мексіканская пісьменніца лаўрэатка Пулітцэраўскай прэміі Крысціна Рывера Гарса, іспанец Энрыке Віла‑Матас і аўстралійскі празаік Джэралд Марнэйн. Іх шанцы раней ацэньвалі як 16 да 1.
У мінулым годзе пераможцай стала паўднёвакарэйская пісьменніца Хан Ган, у 2023 годзе нарвежац Юн Фосэ. У 2015 годзе беларуская пісьменніца Святлана Алексіевіч.
Сёння а 12:45 будзе названы нобелеўскі лаўрэат (ці лаўрэаты) па хіміі.
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»13
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары