Лаўрэатамі нобелеўскай прэміі на медыцыне і фізіялогіі сталі Мэры Э. Бранкоу, Фрэд Рамсдэл і Шыман Сакагучы. Прэмію ўручылі «за іх адкрыцці, якія тычацца перыферычнай імуннай талерантнасці», паведамляе Нобелеўскі камітэт.
Талерантнасць у гэтым кантэксце — гэта здольнасць імуннай сістэмы не рэагаваць на небяспечныя для арганізма раздражняльнікі, у прыватнасці, на ўласныя антыгены. Яна фарміруецца на ранніх этапах развіцця, і раней лічылася, што на гэтым «навучанне» імуннай сістэмы заканчваецца. Лаўрэаты Нобелеўскай прэміі 2025 года паказалі, што гэта не так.
Яны ідэнтыфікавалі «ахоўнікаў» імуннай сістэмы — рэгулятарныя Т-клеткі, тым самым заклаўшы аснову для новай вобласці даследаванняў, гаворыцца ў прэс-рэлізе Нобелеўскага камітэта.
Гэтыя адкрыцці таксама прывялі да распрацоўкі патэнцыйных метадаў лячэння, якія цяпер праходзяць клінічныя выпрабаванні.
Навукоўцы спадзяюцца, што яны дазволяць лячыць або вылечваць аўтаімунныя захворванні, забяспечваць больш эфектыўнае лячэнне раку і прадухіляць сур'ёзныя ўскладненні пасля трансплантацыі ствалавых клетак.
У аўторак будзе названы (або названыя) лаўрэаты па фізіцы, у сераду — па хіміі.
У чацвер стане вядомы нобелеўскі лаўрэат па літаратуры, а ў пятніцу абвесцяць лаўрэата Нобелеўскай прэміі міру.
У 2015 годзе нобелеўскім лаўрэатам па літаратуры стала беларуская пісьменніца Святлана Алексіевіч, а ў 2022 годзе нобелеўскую прэмію міру прысудзілі праваабаронцу Алесю Бяляцкаму, які ў той час быў у СІЗА, а цяпер адбывае 10 гадоў калоніі.
-
У Пакістане здзейснілі тэракт у мячэці, загінулі больш за 30 чалавек
-
Генерал Аляксееў, у якога сёння стралялі ў Маскве, датычны да катавання абаронцаў «Азоўсталі». Пракапенка: Справу давядзём да канца
-
У Пецярбургу прафесара арыштавалі па абвінавачванні ў дзяржздрадзе, бо публікацыі магла чытаць нарвежская разведка
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні33
Каментары
Такую, научную глыбу не должны обидеть, тем более, что этот, учёный муж, если верить его словам и заявлениям, остановил и завершил 7 войн !!!