Bukmiekiery nazvali dvuch hałoŭnych favarytaŭ na Nobiela pa litaratury
U čaćvier a 14‑j u Stakholmie budzie nazvany nobieleŭski łaŭreat pa litaratury.
Za sutki da abviaščeńnia bukmiekiery vyznačyli sumiesnych favarytaŭ z kaeficyjentam 10/1, pakul litaraturnyja koły rychtujucca da čarhovaha niepradkazalnaha vybaru Šviedskaj akademii.
Heta kitajskaja avanhardnaja piśmieńnica Cań Siue, viadomaja svajoj siurrealistyčnaj apaviadalnicaj manieraj. Jaje ramany «Apošni kachanak» i «Miežy» zamacavali jaje jak sučasnuju vizijanierku suśvietnaj litaratury, i jana ŭžo niekalki hadoŭ fihuruje siarod favarytaŭ na Nobieleŭskuju premiju.
Taksama favarytam z kaeficyjentam 10/1 nazyvajuć vienhierskaha piśmieńnika Łasła Krasnachorkai, jaki bolš za 10 hod nazyvajecca siarod favarytaŭ.
Raniej siarod favarytaŭ na Nobiela ŭ hetym hodzie nazyvalisia mieksikanskaja piśmieńnica łaŭreatka Pulitceraŭskaj premii Kryścina Ryviera Harsa, ispaniec Enrykie Viła‑Matas i aŭstralijski prazaik Džerałd Marnejn. Ich šancy raniej aceńvali jak 16 da 1.
U minułym hodzie pieramožcaj stała paŭdniovakarejskaja piśmieńnica Chan Han, u 2023 hodzie narviežac Jun Fose. U 2015 hodzie biełaruskaja piśmieńnica Śviatłana Aleksijevič.
Siońnia a 12:45 budzie nazvany nobieleŭski łaŭreat (ci łaŭreaty) pa chimii.
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary