Трамп заклікаў усіх, хто ўдзельнічае ў перамовах па Газе, дзейнічаць хутка
Прэзідэнт ЗША Дональд Трамп заклікаў усіх, хто ўдзельнічае ў намаганнях па спыненні вайны ў Газе, «дзейнічаць хутка». Ён паведаміў, што на выхадных адбыліся «вельмі пазітыўныя перамовы з ХАМАС і краінамі з усяго свету», піша Бі-бі-сі.
«Гэтыя перамовы прайшлі вельмі паспяхова і прасоўваюцца хуткімі тэмпамі. Тэхнічныя групы зноў збяруцца ў панядзелак у Егіпце, каб прапрацаваць і ўдакладніць апошнія дэталі. Мне паведамілі, што першая фаза павінна быць завершана на гэтым тыдні, і я заклікаю ўсіх ДЗЕЙНІЧАЦЬ ХУТКА», — напісаў ён у сваёй сацыяльнай сетцы Truth Social.
Раней у размове з журналістамі Трамп заявіў, што, на яго думку, ізраільскіх закладнікаў пачнуць вызваляць «вельмі хутка».
Ізраіль і ХАМАС у панядзелак павінны пачаць перамовы, накіраваныя на спыненне двухгадовага канфлікту, які спустошыў Газу.
Егіпет, ключавы пасярэднік у перамовах аб перамір’і, заявіў, што прыме дэлегацыі абодвух бакоў для абмеркавання магчымасці абмену ізраільскіх закладнікаў на палесцінскіх зняволеных.
Цяпер чытаюць
«Люблю, калі беларусы беларусяцца»: у сацсетках жартуюць з надвор’я і абмяркоўваюць праблемы2
Каментары