Паўлючэнка пра вяртанне Пачобута: «Пункт біфуркацыі, пасля якога шмат зменіцца»
Фёдар Паўлючэнка ў эфіры ютуб-канала «Саша, что ты несёшь?!» расказаў, чаму лічыць рашэнне былога палітвязня Анджэя Пачобута вярнуцца ў Беларусь значнай палітычнай падзеяй і якія наступствы яна, на яго думку, можа мець.
«Я бачу ў самім гэтым прыездзе вельмі шмат сімвалізму. І я думаю, што наогул гэта ягонае рашэнне паехаць і паездка — гэта такі пункт пералому, пункт біфуркацыі, пасля якога шмат зменіцца», — заявіў Паўлючэнка у жывым эфіры ютуб-канала «Саша, что ты несёшь?!»
Паўлючэнка нагадаў, што пасля адносна спакойнага лета восенню актывізуюцца палітычныя працэсы як у рэгіёне, так і ў свеце. Вяртанне Пачобута ў Беларусь ён разглядае як частку гэтых працэсаў.
«Вось гэты прыезд Анджэя Пачобута, мне здаецца, з'яўляецца дастаткова істотнай часткай усяго гэтага палітычнага працэсу, які ідзе ў рэгіёне».
Асаблівую ўвагу аналітык звярнуў на тое, што адбываецца пасля прыезду Пачобута. Нягледзячы на рэпрэсіўную сітуацыю ў краіне і негатыўную рэакцыю прапагандыстаў, беларускія ўлады яго не затрымалі.
«Прыязджае чалавек, плюе на пагрозы з боку ордэнаносцаў-прапагандыстаў, прыязджае ў Гродна. Ужо ў Азаронка п*рдак лопнуў з-за таго, што ён сфатаграфаваўся на фоне былых казармаў 81‑га пяхотнага палка. Апошні пункт абароны горада ў верасні 1939 года».
Аднак значна важнейшым за рэакцыю прапаганды, на думку Паўлючэнкі, будзе тое, ці зможа Пачобут бесперашкодна заставацца ў Беларусі.
«Калі з Пачобутам усё будзе ў парадку, то гэта, я б сказаў, адкрывае дарогу для доўгаграючых высноў.
Усё крычыць пра тое, што прыезд Пачобута павінен быў справакаваць рэакцыю з боку Крамля. Я (…) кажу пра куратараў, якія канкрэтна кантралююць беларускую сітуацыю».
Паўлючэнка лічыць, што для гэтых людзей сам факт вяртання Пачобута ў Беларусь павінен быць «цалкам непрымальным».
«На фоне таго, што Крэмль сабе спрабуе дазволіць зрабіць, прыезд Пачобута, прычым проста з выклікам, павінен прывесці да нейкай адваротнай рэакцыі. (…)
Дык вось, калі гэтай рэакцыі не наступіць, калі ён спакойна прыедзе і выедзе, то можна будзе казаць (я сам не чакаў, што гэта скажу), пра пэўную самастойнасць Лук[ашэнк]і ў нейкіх пытаннях».
Цяпер чытаюць
Пасадзілі адваката Дзмітрыя Лаеўскага, які абараняў Бабарыку і Знака8
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
Каментары
[Зрэдагавана]