Мерц адмяніў запланаваную размову з Трампам пасля падтрымкі апошнім «Альтэрнатывы для Германіі»
Федэральны канцлер Германіі Фрыдрых Мерц адмяніў запланаваную тэлефонную размову з прэзідэнтам ЗША Дональдам Трампам пасля таго, як амерыканскі лідар станоўча выказаўся пра правапапулісцкую партыю «Альтэрнатыва для Германіі» (АдГ), якая перамагла на выбарах у зямлі Саксонія-Анхальт, паведамляе The Guardian.
Прэс-сакратар Мерца не назваў прычыну адмены размовы і не стаў казаць, ці звязана гэта з заявамі Трампа. Пры гэтым прадстаўнік канцлера адзначыў, што Мерц неаднаразова выступаў супраць умяшання знешніх чыннікаў ва ўнутраную палітыку Германіі і каментароў замежных палітыкаў наконт нямецкіх выбараў.
На выбарах 6 верасня АдГ атрымала ў зямлі Саксонія-Анхальт рэкордныя для сябе 43,8% галасоў і заняла першае месца. Хрысціянска-дэмакратычны саюз Мерца набраў толькі 17,2% — гэта найгоршы вынік партыі за ўсю гісторыю выбараў у Саксоніі-Анхальце.
Трамп, каментуючы вынікі, напісаў у сваёй сацыяльнай сетцы Truth Social, што папулісцкая партыя перамагла на фоне незадаволенасці немцаў «жахлівымі» міграцыйнымі правіламі, якія, на яго думку, нанеслі значную шкоду Германіі. АдГ ён непасрэдна не назваў.
Мерц пасля выбараў, выступаючы ў парламенце, рэзка раскрытыкаваў АдГ. Ён заявіў, што прапановы партыі аб масавай дэпартацыі нелегальных мігрантаў і замежнікаў, якім адмовілі ў прытулку, могуць быць формай «этнічнай чысткі» паводле колеру скуры і паходжання. Таксама канцлер абвінаваціў АдГ у садзейнічанні спробам Расіі дэстабілізаваць Германію.
Сустаршыня АдГ Аліса Вайдль, у сваю чаргу, назвала вынік ХДС разгромам і фактычна рэферэндумам адносна кіраўніцтва Мерца. Яна заявіла, што час канцлера скончыўся, а нямецкі народ хоча перамен і атрымае іх.
Падчас выступу Мерца ў парламенце дэпутаты АдГ выкрыквалі абразы ў яго адрас. Спікеру Бундэстага Юліі Клёкнер давялося нагадаць ім, што яны знаходзяцца не на футбольным полі, і папярэдзіць, што парушальнікаў могуць вывесці з залы.
Мерц «глыбока шакаваны» перамогай «Альтэрнатывы для Германіі» ў Саксоніі-Анхальт
Трамп павіншаваў АдГ з перамогай на выбарах у Саксоніі-Анхальт
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам
Пасля перамогі АдГ скандальны кубак «Армія Расіі» выставілі на аўкцыён
Ультраправыя ўпершыню пасля падзення Трэцяга рэйху атрымалі вялікую перамогу ў Германіі. Што гэта значыць для Еўропы
Цяпер чытаюць
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах3
Каментары
1.Мерц лишь на бумаге глава суверенного государства, на деле- глава администрации американской оккупационной зоны. „Канцлер-Акт“ – это, документ, который до сегодняшнего дня должен подписывать каждый немецкий федеральный канцлер ещё до принятия присяги. Это ни что иное, как заявление власти ФРГ об обязательствах по отношению к союзникам - в частности, по отношению к США.Этот акт является частью государственного договора от 21 мая 1949 года, с помощью которого союзники гарантировали себе в числе прочего полный контроль над средствами массовой информации в Федеративной республике до 2099 года.
2. Мерц самый непопулярный канцлер в истории ФРГ,по сути лицо, не выражающее интересов немцев (поддержка лишь 13 %)
И вот этот вассал, крайне непопулярный в стране. становится в позу