Tramp zaklikaŭ usich, chto ŭdzielničaje ŭ pieramovach pa Hazie, dziejničać chutka
Prezident ZŠA Donald Tramp zaklikaŭ usich, chto ŭdzielničaje ŭ namahańniach pa spynieńni vajny ŭ Hazie, «dziejničać chutka». Jon paviedamiŭ, što na vychadnych adbylisia «vielmi pazityŭnyja pieramovy z CHAMAS i krainami z usiaho śvietu», piša Bi-bi-si.
«Hetyja pieramovy prajšli vielmi paśpiachova i prasoŭvajucca chutkimi tempami. Techničnyja hrupy znoŭ źbiarucca ŭ paniadziełak u Jehipcie, kab prapracavać i ŭdakładnić apošnija detali. Mnie paviedamili, što pieršaja faza pavinna być zavieršana na hetym tydni, i ja zaklikaju ŭsich DZIEJNIČAĆ CHUTKA», — napisaŭ jon u svajoj sacyjalnaj sietcy Truth Social.
Raniej u razmovie z žurnalistami Tramp zajaviŭ, što, na jaho dumku, izrailskich zakładnikaŭ pačnuć vyzvalać «vielmi chutka».
Izrail i CHAMAS u paniadziełak pavinny pačać pieramovy, nakiravanyja na spynieńnie dvuchhadovaha kanfliktu, jaki spustošyŭ Hazu.
Jehipiet, klučavy pasiarednik u pieramovach ab pieramirji, zajaviŭ, što prymie delehacyi abodvuch bakoŭ dla abmierkavańnia mahčymaści abmienu izrailskich zakładnikaŭ na paleścinskich źniavolenych.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary