У Малдове 28 верасня праходзяць выбары ў парламент. Яны вызначаць, ці будзе краіна па-ранейшаму прытрымлівацца праеўрапейскага курсу.
Па выніку падліку 83% пратаколаў прарасійскі Патрыятычны блок набірае толькі 27% галасоў. Гэтая лічба яшчэ знізіцца ў канчатковых выніках, бо найпазней падлічваюць пратаколы ў вялізнай еўрапейскай дыяспары, якая традыцыйна галасуе за праеўрапейскія партыі, а таксама ў сталіцы з яе вялікімі ўчасткамі, дзе прарасійскія партыі таксама набіраюць менш.
Кіраўнічая Партыя дзеяння і салідарнасці (PAS) набірае 44% галасоў.
Мяркуючы па ўсім, PAS будзе або кіраваць аднаасобна, або будзе змушаная ўтварыць кааліцыю з адной з меншых партый, якія падтрымліваюць еўраінтэграцыю і выступаюць супраць Дадона. Імі могуць быць або правая PPDA, за якую галасуе румынскамоўная правінцыя, або папулісцкая «Наша партыя» — калі яны пройдуць у парламент у канчатковым рахунку.
Напярэдадні выбараў ад удзелу ў іх былі адхілены дзве прарасійскія партыі — «Вялікая Малдова» (Moldova Mare), якой кіруе Вікторыя Фуртунэ, і «Сэрца Малдовы».
Цяпер чытаюць
Стала вядомая асоба рабочага «Беларуськалія», які загінуў пры абрушэнні горнай пароды1
Каментары
Дай Бог гэта прынясе добрую будучыню для Малдовы, бо менавіта на гэты час, там вельмі шмат праблем і самыя актыўныя з'язджаюць з краіны.