Прэзідэнт ЗША Дональд Трамп упершыню адкрыта назваў Расію агрэсарам у вайне супраць Украіны, заўважыла выданне Politico. Раней ён пазбягаў такога азначэння і нават адхіляў міжнародныя заявы, якія асуджалі Маскву.
У нядзелю Трамп паведаміў журналістам пра вялікія страты з абодвух бакоў:
«На гэтым тыдні загінула 8 тысяч салдат з абедзвюх краін. Больш з боку Расіі. Але калі ты агрэсар, ты губляеш больш», — адзначыў ён.
Вядома, што раней нават вінаваціў Украіну ў пачатку канфлікту і адмаўляў патрэбу называць Расію агрэсарам.
Аднак за лета яго пазіцыя змянілася: адміністрацыя Трампа пачала ўзмацняць ціск на прэзідэнта Расіі Уладзіміра Пуціна, які адмаўляецца ад прамых перамоваў з прэзідэнтам Украіны Уладзімірам Зяленскім. Трамп прызнаў, што разлічваў хутка спыніць вайну, але сітуацыя аказалася значна складанейшай.
ЗША зараз сутыкаюцца з заклікамі да ўвядзення яшчэ больш жорсткіх санкцый супраць Расіі. Сам Трамп заяўляе, што гатовы да гэтага, але хоча, каб Еўропа спачатку адмовілася ад куплі расійскай нафты і зрабіла свае санкцыі больш жорсткімі. Ён падкрэсліў, што пакуль некаторыя краіны ЕС, у тым ліку Венгрыя і Славакія, застаюцца асноўнымі пакупнікамі расійскай энергіі.
Амерыканскі міністр энергетыкі Крыс Райт адзначыў, што ЗША імкнуцца цалкам замясціць расійскі газ, каб пазбавіць Маскву фінансавання для вядзення вайны.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м2
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1111
Каментары
В ранее подписанном, тарифном соглашении между ЕС и США (с стороны США подпись Трампа), чётко оговорено, что ЕС (Венгрия и Словакия) полностью прекратит закупки нефти и газа у России к 2027 году, но, и не это главное, главное то, что США не имеют нужного количества свободной нефти, чтобы заместить российскую на рынке ЕС, как и не имеют, на данный момент, нужного количества танкеров, для поставки газа и нефти на рынок ЕС, но Трамп об этом, скромно, умалчивает.
Ему, свои провалы, в общении и договорённостях с другом владимиром, надо спрятать от публики, назначив других козлами отпущения.
Поэтому прячется за Европу и за, ненавидящего путина, Зеленского.