Электронныя табло з раскладам больш не будуць вешаць на прыпынках. У Мінсктрансе патлумачылі прычыны
Каля 500 электронных табло працуюць у Мінску цяпер, аднак больш іх устанаўліваць не будуць. Намеснік дырэктара філіяла «Аўтобусны парк № 5» Мінсктранса Віталь Чарнавокі растлумачыў «Мінск-Навінам», чаму так.
Як кажа Чарнавокі, падключэнне такіх табло — гэта дадатковыя выдаткі, як мінімум на электраэнергію.
Да таго ж пасажыры могуць даведацца, калі прыбудзе патрэбны транспарт, набраўшы кароткі нумар 488. Пасля запрашэння аўтаінфарматара трэба назваць пяцізначны код прыпынку. Яго лёгка знайсці на інфармацыйнай таблічцы побач з QR-кодам. Паслуга даступная для ўсіх абанентаў мабільнай сувязі.
Чарнавокі лічыць, што расклад лёгка даведацца з мабільніка — у кожнага з сабой ёсць мабільны тэлефон з доступам у інтэрнэт, мяркуе ён.
— Зараз мы робім акцэнт на нашы віртуальныя сэрвісы, то-бок вы можаце ў любы момант адкрыць наш сайт у тэлефоне і паглядзець актуальны расклад для патрэбнага вам прыпынку, — гаворыць Чарнавокі.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак15
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары