Elektronnyja tabło z raskładam bolš nie buduć viešać na prypynkach. U Minsktransie patłumačyli pryčyny
Kala 500 elektronnych tabło pracujuć u Minsku ciapier, adnak bolš ich ustanaŭlivać nie buduć. Namieśnik dyrektara filijała «Aŭtobusny park № 5» Minsktransa Vital Čarnavoki rastłumačyŭ «Minsk-Navinam», čamu tak.
Jak kaža Čarnavoki, padklučeńnie takich tabło — heta dadatkovyja vydatki, jak minimum na elektraenierhiju.
Da taho ž pasažyry mohuć daviedacca, kali prybudzie patrebny transpart, nabraŭšy karotki numar 488. Paśla zaprašeńnia aŭtainfarmatara treba nazvać piaciznačny kod prypynku. Jaho lohka znajści na infarmacyjnaj tabličcy pobač z QR-kodam. Pasłuha dastupnaja dla ŭsich abanientaŭ mabilnaj suviazi.
Čarnavoki ličyć, što raskład lohka daviedacca z mabilnika — u kožnaha z saboj jość mabilny telefon z dostupam u internet, miarkuje jon.
— Zaraz my robim akcent na našy virtualnyja servisy, to-bok vy možacie ŭ luby momant adkryć naš sajt u telefonie i pahladzieć aktualny raskład dla patrebnaha vam prypynku, — havoryć Čarnavoki.
Ciapier čytajuć
Były vykładčyk Iniaza pierajšoŭ na biełaruskuju ŭ emihracyi. Jon razvažaje pra los univiersiteta, biełarusaŭ za miažoj i adroźnieńnie nas ad palakaŭ77
Kamientary