У Гомелі 20 жніўня абвясцілі прысуд Алегу Лойку — пастару царквы хрысціян веры евангельскай з вёскі Небытаў Хойніцкага раёна, кіраўніку місіі «Вяртанне», якая займаецца рэабілітацыяй людзей з наркатычнай залежнасцю. Пра гэта даведалася «Хрысціянская візія».
Суддзя Сяргей Салоўскі прызначыў Алегу Лойку тры з паловай гады пазбаўлення волі ва ўмовах узмоцненага рэжыму. Пастара абвінавацілі па арт. 361-4 Крымінальнага кодэкса («Садзейнічанне экстрэмісцкай дзейнасці») — нібыта за перадачу інфармацыі пра перамяшчэнні расійскай вайсковай тэхнікі маніторынгаваму праекту «Беларускі Гаюн».
Суд праходзіў у закрытым рэжыме. Сам Алег Лойка сваёй віны не прызнае і кажа, што яго сумленне перад Богам застаецца чыстым.
Святара затрымалі 22 красавіка 2025 года, з таго часу ён знаходзіўся ў СІЗА-3 у Гомелі.
Па «справе Гаюна» арыштавалі ўжо як мінімум 40 чалавек
Спецслужбы стварылі фэйкавы бот нібыта для эвакуацыі тых, хто дасылаў інфармацыю «Беларускаму Гаюну»
Арышт, СІЗА і тры гады «хіміі» за 4 фота расійскай вайсковай тэхнікі. Мікіта Лосік расказаў сваю гісторыю
«Хацеў выратаваць хаця б нейкую колькасць людзей». Дачка беларуса, затрыманага па справе «Беларускага Гаюна», расказала пра бацьку
Каментары