З верасня 2023 года ў беларусаў за мяжой знікла магчымасць атрымліваць новыя пашпарты праз амбасады, таму попыт на пашпарт замежніка ў Літве вырас у некалькі разоў.
Згодна з данымі Дэпартамента міграцыі Літвы, у 2023 годзе, калі большую частку года беларусы маглі рабіць новыя пашпарты праз амбасаду, грамадзянам Беларусі было выдадзена ўсяго 36 пашпартоў замежніка.
У 2024 годзе гэтая колькасць ужо склала 155.
Па колькасці атрымальнікаў пашпартоў замежніка грамадзяне Беларусі летась занялі першае месца. На другім — грамадзяне Расіі (25), на трэцім — Афганістана (16).
У той жа час колькасць атрымальнікаў пашпарта ўцекача, наадварот, знізілася — з 215 у 2023 годзе да 112 у 2024-м. Тым не менш, і тут беларусы займаюць першае месца, прычым з вялікім адрывам.
На другім месцы па колькасці выдадзеных пашпартоў уцекача ў Літве ў 2024 годзе былі афганцы (33), на трэцім — расіяне (31).
Чым адрозніваюцца гэтыя дакументы?
На пашпарт замежніка ў Літве могуць прэтэндаваць іншаземцы з любым тыпам ДНЖ — як часовым, так і пастаянным. Падстава яго выдачы значэння не мае. Галоўнае — мець аб’ектыўныя прычыны, праз якія ў чалавека няма магчымасці абнавіць пашпарт у краіне грамадзянства.
Дакумент выдаюць на той жа тэрмін, што і ДНЖ: на 2—3 гады — пры часовым, і на 5 гадоў — пры пастаянным.
На пашпарт уцекача могуць прэтэндаваць замежнікі, якія маюць адпаведны статус. Такім людзям Літва выдае пастаянны дазвол на пражыванне на 5 гадоў, і на такі ж тэрмін яны могуць атрымаць пашпарт уцекача.
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне5959
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне59
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары