Аліеў і Пашынян падпісалі ў Белым доме дэкларацыю аб спыненні баявых дзеянняў
Прэзідэнт Азербайджана Ільхам Аліеў і прэм’ер-міністр Арменіі Нікол Пашынян у прысутнасці прэзідэнта ЗША Дональда Трампа падпісалі ў Белым доме дэкларацыю аб поўным спыненні баявых дзеянняў. Паводле слоў Трампа, бакі дамовіліся назаўжды спыніць узброены канфлікт, аднавіць гандаль, падарожжы і дыпламатычныя адносіны, а таксама прызнаваць суверэнітэт і тэрытарыяльную цэласнасць адзін аднаго, перадае Reuters.
ЗША плануюць падпісаць з Ерэванам і Баку асобныя пагадненні аб пашырэнні супрацоўніцтва ў энергетыцы, гандлі і высокіх тэхналогіях, а таксама зняць абмежаванні на ўзаемадзеянне ў сферы абароны з Азербайджанам. Амерыканскія кампаніі гатовыя інвеставаць у інфраструктуру абедзвюх краін.
Аліеў назваў дамоўленасці магчымасцю «перагарнуць старонку супрацьстаяння і крыві» і забяспечыць мірную будучыню. Пашынян падкрэсліў, што гэта адкрывае шлях да міру, бяспекі і эканамічнага развіцця на Паўднёвым Каўказе.
Пры гэтым застаецца нявысветленым, як пагадненне вырашыць галоўныя спрэчныя пытанні — напрыклад, дэлімітацыю мяжы і патрабаванне Баку змяніць Канстытуцыю Арменіі, дзе ўсё яшчэ ёсць заклік 1989 года аб аб’яднанні з Нагорным Карабахам.
Асобны пункт дакумента дае Вашынгтону выключныя правы на развіццё транзітнага калідора праз Паўднёвы Каўказ. Ён павінен злучыць паўднёвы захад Азербайджана з яго эксклавам Нахічэванню праз горад Мегры ў Сюнікскай вобласці Арменіі і выйсці да мяжы з Турцыяй.
Гэты праект, які атрымаў назву TRIPP («Маршрут Трампа дзеля міжнароднага міру і росквіту»), будзе дзейнічаць у рамках армянскага заканадаўства, але ЗША атрымаюць магчымасць прыцягнуць міжнародных партнёраў для будаўніцтва і кіравання інфраструктурай. Паводле крыніц Reuters, калідор можа адкрыць рэгіён для новых эканамічных сувязяў і зменшыць рызыку аднаўлення канфлікту.
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце5
Каментары
Трамп проста зрабіў "peace" дзе змог. Трэба штосьці прадаваць электарату.
Сваі вільготныя мары пра выкінутую імпэрыю пакіньце сабе. Гэта так не працуе, прабачце.
ІМПЕРСКАЯ Маскоўская база без шансаў , ПРАЗ некалькі тыдняў яе не будзе ў Арменіі, Трамп усё вырашыў , як прыгожа масковію нахілілі амерыканцы і каўказцы