Азербайджан і Арменія адкрыюць транспартны калідор пры ўдзеле ЗША і без удзелу Расіі
Азербайджан і Арменія плануюць падпісаць мірнае пагадненне, у якім будзе прадугледжана стварэнне важнага транспартнага калідора праз армянскую тэрыторыю — паміж асноўнай часткай Азербайджана і яго эксклавам Нахічэванню, піша Reuters.
Дакумент маюць падпісаць прэзідэнт Азербайджана Ільхам Аліеў і прэм’ер-міністр Арменіі Нікол Пашынян у Белым доме. ЗША возьмуць актыўны ўдзел у гэтым праекце і атрымаюць выключныя правы на яго рэалізацыю.
Калідор назавуць у гонар амерыканскага прэзідэнта, у прысутнасці якога адбудзецца падпісанне, — Trump Route for International Peace and Prosperity («Маршрут Трампа дзеля міжнароднага міру і росквіту»). Ён будзе дзейнічаць паводле армянскага заканадаўства, але ЗША атрымаюць права перадаць кіраванне ім спецыяльнаму кансорцыуму.
Акрамя таго, Арменія і Азербайджан разам звернуцца з просьбай распусціць Мінскую групу, якая з 1992 года займалася ўрэгуляваннем канфлікту паміж гэтымі краінамі.
Амерыканскія чыноўнікі лічаць, што гэта пагадненне можа стаць крокам да далучэння Азербайджана да так званых «Аўраамаўскіх пагадненняў» — ініцыятывы па нармалізацыі адносін Ізраіля з шэрагам краін Блізкага Усходу і Афрыкі.
У адрозненне ад дамоўленасцяў 2020 года, калі транспартны кантроль ажыццяўлялі расійскія памежнікі, новы праект не прадугледжвае ўдзелу Расіі.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы30
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
Мяркую, наступнай павінна знікнуць так званае "Прыднестроў'е"