Трамп анансаваў падпісанне мірнай дамовы паміж Азербайджанам і Арменіяй сёння ў Белым доме
«Гэта будзе гістарычны дзень для Арменіі, Азербайджана, Злучаных Штатаў і ўсяго свету», — падкрэсліў Трамп.
Прэзідэнт ЗША Дональд Трамп абвясціў пра запланаванае падпісанне мірнага пагаднення паміж Азербайджанам і Арменіяй, якое павінна адбыцца ў пятніцу, 8 жніўня, у Вашынгтоне. Пра гэта ён паведаміў у сваёй сацыяльнай сетцы Truth.
Паводле яго слоў, ён з нецярпеннем чакае цырымоніі, прысвечанай «рамачнаму мірнаму пагадненню» лідараў абедзвюх краін. Ён адзначыў, што ўжо ў пятніцу сустрэнецца ў Белым доме з прэзідэнтам Азербайджана Ільхамам Аліевым і прэм’ер-міністрам Арменіі Ніколам Пашынянам для ўдзелу ў гістарычным саміце, накіраваным на дасягненне доўгачаканага міру, піша News.am.
Амерыканскі прэзідэнт таксама падкрэсліў, што канфлікт паміж гэтымі краінамі доўжыўся шмат гадоў, забраўшы жыцці тысяч людзей. Да гэтага часу мноства міжнародных спробаў завяршыць вайну былі безвыніковымі.
Трамп нагадаў, што яго адміністрацыя доўгі час вяла перамовы з абедзвюма бакамі. У пятніцу, падчас афіцыйнай цырымоніі ў Белым доме, кіраўнікі Азербайджана і Арменіі падпішуць пагадненне, якое павінна пакласці канец вайне.
Акрамя таго, Злучаныя Штаты заключаць двухбаковыя дамоўленасці з абедзвюма краінамі, накіраваныя на пашырэнне эканамічнага супрацоўніцтва. Прэзідэнт ЗША выказаў перакананасць, што гэтыя крокі будуць спрыяць поўнаму раскрыццю патэнцыялу рэгіёна Паўднёвага Каўказа.
«Сустрэча Ільхама Аліева і Нікола Пашыняна ў пятніцу ў Вашынгтоне дазваляе зрабіць, прынамсі, адну важную выснову: Расія хацела быць адзіным арбітрам паміж Арменіяй і Азербайджанам у канфлікце вакол Нагорнага Карабаху, але ўварванне ва Украіну падарвала пазіцыі Масквы ў рэгіёне, і цяпер лідары дзвюх краін хочуць бачыць на яе месцы Амерыку», — дадае Бі-бі-сі.
Каментары
Але што мы дакладна ведаем — да сёньня яны маглі экспартаваць толькі праз драпежныя маскоўскую і камуністычную Хань дэспатычныя імпэрыі. ЗША адчынілі станы для ўсяго сьвету.