Tramp anansavaŭ padpisańnie mirnaj damovy pamiž Azierbajdžanam i Armienijaj siońnia ŭ Biełym domie
«Heta budzie histaryčny dzień dla Armienii, Azierbajdžana, Złučanych Štataŭ i ŭsiaho śvietu», — padkreśliŭ Tramp.
Prezident ZŠA Donald Tramp abviaściŭ pra zapłanavanaje padpisańnie mirnaha pahadnieńnia pamiž Azierbajdžanam i Armienijaj, jakoje pavinna adbycca ŭ piatnicu, 8 žniŭnia, u Vašynhtonie. Pra heta jon paviedamiŭ u svajoj sacyjalnaj sietcy Truth.
Pavodle jaho słoŭ, jon ź nieciarpieńniem čakaje cyrymonii, pryśviečanaj «ramačnamu mirnamu pahadnieńniu» lidaraŭ abiedźviuch krain. Jon adznačyŭ, što ŭžo ŭ piatnicu sustreniecca ŭ Biełym domie z prezidentam Azierbajdžana Ilchamam Alijevym i premjer-ministram Armienii Nikołam Pašynianam dla ŭdziełu ŭ histaryčnym samicie, nakiravanym na dasiahnieńnie doŭhačakanaha miru, piša News.am.
Amierykanski prezident taksama padkreśliŭ, što kanflikt pamiž hetymi krainami doŭžyŭsia šmat hadoŭ, zabraŭšy žyćci tysiač ludziej. Da hetaha času mnostva mižnarodnych sprobaŭ zaviaršyć vajnu byli biezvynikovymi.
Tramp nahadaŭ, što jaho administracyja doŭhi čas viała pieramovy z abiedźviuma bakami. U piatnicu, padčas aficyjnaj cyrymonii ŭ Biełym domie, kiraŭniki Azierbajdžana i Armienii padpišuć pahadnieńnie, jakoje pavinna pakłaści kaniec vajnie.
Akramia taho, Złučanyja Štaty zaklučać dvuchbakovyja damoŭlenaści z abiedźviuma krainami, nakiravanyja na pašyreńnie ekanamičnaha supracoŭnictva. Prezident ZŠA vykazaŭ pierakananaść, što hetyja kroki buduć spryjać poŭnamu raskryćciu patencyjału rehijona Paŭdniovaha Kaŭkaza.
«Sustreča Ilchama Alijeva i Nikoła Pašyniana ŭ piatnicu ŭ Vašynhtonie dazvalaje zrabić, prynamsi, adnu važnuju vysnovu: Rasija chacieła być adzinym arbitram pamiž Armienijaj i Azierbajdžanam u kanflikcie vakoł Nahornaha Karabachu, ale ŭvarvańnie va Ukrainu padarvała pazicyi Maskvy ŭ rehijonie, i ciapier lidary dźviuch krain chočuć bačyć na jaje miescy Amieryku», — dadaje Bi-bi-si.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia15
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary
Ale što my dakładna viedajem — da siońnia jany mahli ekspartavać tolki praz drapiežnyja maskoŭskuju i kamunistyčnuju Chań despatyčnyja imperyi. ZŠA adčynili stany dla ŭsiaho śvietu.