Следчы камітэт Беларусі знішчыў партыю гераіну агульнай вагой каля 350 кілаграмаў. Наркотыкі былі спаленыя пасля завяршэння расследавання некалькіх крымінальных спраў, паведамляе прэс-служба ведамства.
Большая частка партыі наркотыка — звыш 320 кг — была канфіскаваная ў межах справы супраць чатырох іншаземцаў. Яны ўваходзілі ў злачынную арганізацыю, якая займалася незаконным абарачэннем буйных партый наркотыкаў.
Следства высветліла, што асабліва небяспечнае рэчыва завезлі ў Беларусь пад выглядам паставак сокаў і газіраваных напояў з Ірана транзітам праз Расію. У Мінску гераін захоўваўся на складзе і быў схаваны ў скрынках з-пад сокаў.
Гэтая партыя была прызначана для перапраўкі ў краіны Еўрасаюза і Вялікабрытанію, а Беларусь выкарыстоўвалася як транзітная тэрыторыя.
Распаўсюджваецца новы небяспечны наркотык. Ён ужо дайшоў да краін Балтыі
У двух беларусаў у Батумі канфіскавалі тры кілаграмы какаіну і 13 тысяч таблетак экстазі
У Польшчы расследуюць вялікую справу аб адпраўцы наркотыкаў праз пачкаматы. Сярод абвінавачаных — беларус
У Мінску псіхатропы хавалі ў бляшанкі з кансерваванымі персікамі
Цяпер чытаюць
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі7
Каментары