Прэм'ер Славакіі абяцае блакаваць 18-ы пакет санкцый супраць Расіі, пакуль не атрымае гарантый
«Прашу вас выкарыстаць найбліжэйшыя гадзіны і дні, каб працягнуць дыялог ЕС з урадам Славакіі», — напісаў Роберт Фіца Урсуле фон дэр Ляен.
Прэм’ер-міністр Славакіі Роберт Фіца ў сераду накіраваў ліст старшыні Еўракамісіі Урсуле фон дэр Ляен, у якім паабяцаў працягваць блакіраваць ухваленне 18-га пакета санкцый у дачыненні да Масквы, пакуль не атрымае больш канкрэтных гарантый у сувязі з планам ЕС адмовіцца ад расійскага газу пасля 2028 года, піша Бі-бі-сі.
«Прашу вас выкарыстаць найбліжэйшыя гадзіны і дні, каб працягнуць дыялог ЕС з урадам Славакіі […]. І пакуль пытанне не будзе вырашана, Славакія просіць перанесці галасаванне па 18-м пакеце санкцый», — гаворыцца ў лісце, тэкст якога Фіца апублікаваў у X.
«Славацкая Рэспубліка ніколі не падтрымае [стратэгію ЕС] REPowerEU у пастаўках газу, бо гэта нанясе шкоду славацкім дамашнім гаспадаркам і эканоміцы, а таксама яшчэ больш знізіць канкурэнтаздольнасць усяго Еўрапейскага саюза, — піша Фіцо. — Уносячы гэтае прапанаванне, Еўракамісія груба ігнаруе палітычны мандат, зацверджаны Еўрапейскай радай. Мая пазіцыя як прэм’ер-міністра Славацкай Рэспублікі па гэтым пытанні паслядоўная і не павінна нікога здзіўляць».
Па словах Фіцы, Славакія лічыць недастатковымі прапанаваныя Еўракамісіяй гарантыі. «Найлепшым варыянтам было б прадастаўленне Славакіі права, у выглядзе выключэння, выконваць кантракт з «Газпрамам» да завяршэння яго тэрміну дзеяння ў 2034 годзе. Такую ідэю Еўракамісія адхіляе, бо лічыць, што дадзены варыянт падарваў бы сутнасць антырасійскіх санкцый», — падкрэслівае Фіца.
План ЕС па адмове ад расійскага газу не прадугледжвае аднагалоснага ўхвалення, таму Славакія не можа заблакіраваць яго аднаасобна.
Аднак для прыняцця 18-га пакета санкцый супраць Масквы патрабуецца згода ўсіх краін-членаў ЕС, і з-за пазіцыі Славакіі, а таксама Мальты, на сённяшнім пасяджэнні паслоў Еўрасаюза ўхваліць новы пакет не ўдалося. Абмеркаванне перанесена на 18 ліпеня.
-
Трамп прымае вялікую дозу аспірыну для разрэджвання крыві. Праз гэта ў яго лёгка з'яўляюцца сінякі
-
Каля 40 чалавек загінулі, больш за 100 з траўмамі. Ахвяры страшнага пажару на раскошным альпійскім курорце
-
23‑гадовага ўкраінца затрымалі ў Варшаве з глушылкай — ён звярнуў на сябе ўвагу тым, што гадзінамі праседжваў у кавярні ў аэрапорце
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары
Любіце ляпіць цэтлікі "крайнеправы", "ультраправы" ці "папуліст" (вельмі часта зусім неадэкватна), а тут пры Фіца чарговы раз не дадалі пра яго партыйную і ідэйную прыналежнасць, якое супадзенне.