Па звестках Службы бяспекі Украіны, Офіса Генпракурора і Дзяржаўнага бюро расследаванняў, народнаму дэпутату Украіны Яўгену Шаўчэнку, які ўжо знаходзіцца пад вартай з лістапада 2024 года за дзяржаўную здраду, выстаўлена новае абвінавачанне.
Следства выявіла, што дэпутат нібыта падманам выманьваў грошы ў адной з украінскіх кампаній, якая закупляла мінеральныя ўгнаенні ў Беларусі. Скарыстаўшыся сваімі сувязямі з беларускім рэжымам, ён штучна ствараў перашкоды для паставак тавараў і патрабаваў хабар у памеры 14,5 мільёна грыўняў (каля 4,5 мільёна даляраў) за «вырашэнне праблемы». Грошы трапілі на рахункі камерцыйнай фірмы, якая належыць ягонаму сыну.
Таксама ёсць доказы, што Яўген Шаўчэнка рэгулярна атрымліваў адкаты за тое, што прапаноўваў іншым украінскім кампаніям доступ да беларускіх квотаў на ўгнаенні.
На падставе сабраных доказаў дэпутату выстаўлена абвінавачанне ў буйным махлярстве (ч. 4 арт. 190 Крымінальнага кодэкса Украіны).
Яўген Шаўчэнка атрымаў вядомасць як актыўны прыхільнік Лукашэнкі і лабіст яго інтарэсаў ва Украіне. Ён наведваў Беларусь яшчэ ў 2021 годзе, дзе ўдзельнічаў у прапагандысцкіх мерапрыемствах і сустракаўся з Лукашэнкам. Пасля гэтага Шаўчэнку выключылі з фракцыі «Слуга народа».
Кіраўнік ГУР Кірыл Буданаў пазней прызнаваўся, што ўкраінская разведка выкарыстоўвала сувязі Шаўчэнкі ў вышэйшым кіраўніцтве Беларусі ў сваіх інтарэсах.
Тым не менш, 11 лістапада 2024 года супраць Яўгена Шаўчэнкі завялі крымінальную справу па абвіначаванні ў дзяржаўнай здрадзе. Яму пагражае ад 12 да 15 гадоў зняволення з канфіскацыяй або без канфіскацыі маёмасці за дзяржаўную здраду.
Справу Шаўчэнкі вядуць следчыя Дзяржаўнага бюро расследаванняў — менавіта гэтая ўстанова мае паўнамоцтвы займацца справамі, у якіх фігуруюць дзяржаўныя чыноўнікі.
Украінскаму дэпутату Яўгену Шаўчэнку пагражае пажыццёвае зняволенне
Сталі вядомыя дэталі абвінавачання ўкраінскага дэпутата Шаўчэнкі, які праславіўся падтрымкай Лукашэнкі
Украінскаму дэпутату Шаўчэнку, які падтрымліваў сувязі з Лукашэнкам, выставілі абвінавачанне ў дзяржаўнай здрадзе
«Зноў з'езджу ў Мінск, усё вырашым». Украінскі дэпутат, які прыязджаў у Беларусь, заклікаў Зяленскага да перамоваў з Расіяй
Шаўчэнка: Крэмль хацеў бы замяніць Лукашэнку, і я ведаю на каго
Цяпер чытаюць
Раман Пратасевіч асвоіў прафесію бармена і адшукаў працу. Вось у якім бары можна яго знайсці11
Каментары