Увечары 26 чэрвеня ў Варшаве каля помніка Мікалаю Каперніку праходзіць мітынг салідарнасці з палітвязнямі з удзелам Святланы і Сяргея Ціханоўскіх. На сустрэчу прыйшлі каля 700 чалавек.
У сваім выступленні Сяргей Ціханоўскі падзякаваў усім, хто садзейнічаў яго вызваленню, выказаўшы надзею, што хутка на свабоду могуць выйсці і іншыя палітвязні — у абмен на змякчэнне санкцый. Ён таксама адзначыў, што пры падтрымцы грамадзянскай супольнасці перамены ў Беларусі абавязкова адбудуцца, і гэта не за гарамі.
«Дональд Трамп, напэўна, ведаў толькі адно прозвішча з беларускіх палітвязняў — Ціханоўская і яе муж Сяргей Ціханоўскі. І менавіта Трамп настаяў, каб прозвішча Ціханоўскага было ў спісе. Гэта быў такі кампраміс: калі пяць гадоў у Беларусь не прыязджалі амерыканскія дыпламаты. І толькі каб яны прыехалі, было выстаўленае патрабаванне — вызвалі палітвязняў і лідараў. Якіх лідараў? Прозвішча Ціханоўскі назваў Трамп.
Зусім хутка, і я ў гэта веру, усе палітвязні апынуцца на волі. Хутка будуць знятыя санкцыі з Расіі і з Беларусі, ваенныя санкцыі. І каб іх знялі, амерыканскі бок сказаў вызваліць палітвязняў. І Лукашэнка сказаў, што вызваліць», — заявіў Ціханоўскі.
«У 2020-м вы ў мяне паверылі. Я толькі аднаго хачу: каб вы паверылі мне зноў. Я той самы чалавек, хоць вагі ў мяне напалову менш. Калі вы ў мяне паверыце, я абяцаю зрабіць усё, каб мы вярнуліся ў Беларусь! І каб там былі сапраўдныя сумленныя дэмакратычныя выбары!», — сказаў былы палітвязень.
Акрамя таго, на мітынгу выступілі намеснік кіраўніка Аб’яднанага пераходнага кабінета і кіраўнік Народнага антыкрызіснага ўпраўлення Павел Латушка, спікер Каардынацыйнай Рады Арцём Брухан, палітзняволеная Антаніна Канавалава і яе дзеці, прадстаўнікі суполкі «Акцыі беларусаў Варшавы».
Таксама выступіў з песнямі «Муры» і «Пагоня» Вольны хор.
Акрамя таго, людзі падчас сустрэчы маглі задаць пытанне, быў адкрыты вольны мікрафон.
Адказваючы на адно з пытанняў, Сяргей Ціханоўскі заявіў, што мае намер працягваць барацьбу да перамогі.
«Асабіста я збіраюся гэты рэжым ламаць. Я буду яго ламаць, як і той турэмны. І нават калі вы не будзеце мне дапамагаць, ці будзеце дапамагаць слаба, я ўсё роўна будуць ламаць гэты рэжым. Жыве Беларусь! Не, я агаварыўся. Я буду не ламаць рэжым. Я яго зламаю!»
Таксама ён выказаў сваё меркаванне, што павінны рабіць для змены сітуацыі ў Беларусі заходнія палітыкі:
«Я сказаў прэзідэнту Дудзе і скажу кожнаму прэзідэнту ў Еўрасаюзе і ЗША: падрыхтуйце новы пакет магутных санкцый супраць дыктатара Лукашэнкі. Але не ўводзьце. Прынясіце яму, пакладзіце на стол і скажыце: калі вось гэтыя палітвязні не выйдуць, то мы ўвядзем. Навошта табе гэтыя 1000 чалавек [за кратамі]?»
Раней у гэты ж дзень Святлана і Сяргей Ціханоўскія сустрэліся з прэзідэнтам Польшчы Анджэем Дудам і міністрам замежных спраў Радославам Сікорскім, які падчас зняволення сімвалічна стаў хросным Ціханоўскага.
Святлана і Сяргей Ціханоўскія адпраўляюцца ў першы сумесны візіт — у Польшчу
«Заходзіш у камеру, а яны кажуць: «Мы з табой адмаўляемся сядзець». Ціханоўскі расказаў, як сутыкнуўся з праблемай нізкага статусу
Відэа з камеры Ціханоўскага, якое паказвалі на фоне чутак пра яго смерць у зняволенні, было старое
«Ціханоўскі сваёй жывёльнай харызмай можа зацямніць шмат каго з лідараў». Шрайбман пра вяртанне Ціханоўскага
Цяпер чытаюць
Жонку аднаго з галоўных турэмшчыкаў Беларусі пасадзілі ў калонію за ўдзел у пратэстах5
Каментары