Саўладальнікі найбуйнейшага маркетплейса на беларускім рынку нерухомасці Realt.by браты Аляксандр і Дзмітрый Мартыненкі актыўна маштабуюць свой падобны міжнародны праект Realting.com. Польшча з сярэдзіны мінулага года таксама стала яго часткай, піша эканамічны аглядальнік Вадзім Сяховіч.
Паводле крыніц, інтарэсы сямейнага бізнесу на польскім рынку нерухомасці прадстаўляе варшаўская кампанія Realting. Яе саўладальнікамі на парытэтных умовах сталі Дзмітрый і Алена Мартыненкі.
Realting.com быў створаны ў 2018 годзе і з'яўляецца платформай для камунікацыі паміж агенцтвамі, прадаўцамі і пакупнікамі ў розных краінах.
У 2020 годзе ён вылучыўся з Realt.by. Першым рынкам у міжнароднай экспансіі новага праекта стаў у 2023 годзе Узбекістан.
На сённяшні дзень Realting.com прысутнічае, акрамя Узбекістана і Польшчы, у ААЭ і Чарнагорыі. Праз партнёраў маркетплейс працуе таксама ў Турцыі, Тайландзе, Інданезіі і Іспаніі. Як пазначана на яго сайце, на платформе прадстаўлена больш за 250 тысяч аб'ектаў нерухомасці ў больш чым 85 краінах. У Realting.com налічваецца каля 1300 афіцыйных партнёраў.
Адзін з важных крокаў у пашырэнні сямейнага бізнесу за мяжой — запланаваны на гэты год выпуск мабільнага дадатку для iOS і Android.
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads7
Каментары
Пасля сталі значна спакайней і асцярожней, бо не можа аддзел артыкулаў супярэчыць інтарэсам забудоўшчыкаў-рэкламадаўцаў.
У 2024-м пасля пагроз ад ГУБАЗіКа напісалі пра забарону "экстрэмістцкім" СМІ выкарыстоўваць іх матэрыялы.