Як паведамляе канал «ВЧК-ОГПУ», пасажыры цягніка №86 Клімаўск — Масква непасрэдна перад абрушэннем моста чулі выбух. Следчыя разглядаюць версію дыверсіі, тым больш што нядаўна паблізу быў знойдзены схрон з выбухоўкай, сцвярджае канал.
У Бранскай вобласці вечарам 31 мая абрынуўся мост, па якім рухаўся пасажырскі цягнік №86 Клімаўск — Масква. У выніку здарэння загінулі сем чалавек, дзясяткі атрымалі траўмы.
На мосце ў час здарэння знаходзіліся фура і легкавік, якія разам з мостам ўпалі прама на галоўную частку цягніка.
У цягніку было 11 вагонаў, у ім знаходзіліся 464 пасажыры. Паводле апошняй інфармацыі, загінулі 7 чалавек, у тым ліку два машыністы, чые целы яшчэ застаюцца пад заваламі.
Месца аварыі ўяўляе сабой груду скрыўленага металу.
Крыніца тэлеграм-канала таксама адзначае, што каля двух тыдняў таму ў тым жа Выганіцкім раёне, прыкладна за 50 кіламетраў ад Бранска, быў знойдзены схрон са выбухоўкай.
Таксама сёння ноччу ў Курскай вобласці абрынуўся чыгуначны мост падчас праходжання па ім грузавога цягніка. Частка вагонаў звалілася на аўтамабільную дарогу, ёсць параненыя.
Каментары