Свет99

Зяленскі: Расія адмаўляецца абменьваць беларускіх палонных ці палітвязняў

Прэзідэнт Украіны Уладзімір Зяленскі заявіў, што Расія выкарыстоўвае палонных замежных добраахвотнікаў як інструмент ціску на іхнія краіны. Паводле яго слоў, расійскі бок адмаўляецца абменьваць не толькі гэтых іншаземцаў, але і грамадзян Беларусі, якія ваявалі на баку Украіны, паведамляе «Укрінфарм».

Палонныя беларускія добраахвотнікі Ян Дзюрбейка і Сяргей Дзёгцеў

Зяленскі патлумачыў, што Расія хоча праз гэтых людзей уплываць на адносіны з краінамі іх паходжання — каб вырашаць уласныя інтарэсы. Напрыклад, дамагацца вызвалення сваіх спецагентаў або аказваць палітычны ціск. Таму, кажа ён, вельмі рэдка магчыма пачуць пра абмен палоннымі з Лацінскай Амерыкі — Масква не жадае абменьваць грамадзян іншых краін.

Асобна Зяленскі адзначыў, што Расія не хоча нават прызнаваць, што беларусы ваявалі за Украіну, і не згаджаецца аддаваць іх — нават калі гаворка ідзе не пра вайскоўцаў, а, напрыклад, пра палітвязняў.

Ён дадаў, што перадае партнёрам з розных краін спісы замежных журналістаў і палітычных зняволеных, каб яны таксама ўдзельнічалі ў вырашэнні гэтых пытанняў.

Прэзідэнт Украіны прызнаў, што праца з расіянамі падчас абмену палоннымі вельмі складаная і часта несправядлівая. Але Украіна ўсё адно імкнецца да дасягнення мадэлі «ўсіх на ўсіх», каб вярнуць усіх сваіх палонных — магчыма, ужо пасля спынення агню.

Ён таксама згадаў, што падчас нядаўніх перамоваў у Стамбуле была дасягнутая дамоўленасць аб абмене палоннымі ў фармаце «1000 на 1000», і ў межах гэтай дамоўленасці ўжо вярнуліся 880 вайскоўцаў і 120 цывільных украінцаў.

У расійскай няволі знаходзяцца цяпер як мінімум двое беларускіх добраахвотнікаў, якія ваявалі ў складзе Палка Каліноўскага. Гэта Сяргей Дзёгцеў і Ян Дзюрбейка, якія трапілі ў палон 26 чэрвеня 2022 года.

Каментары9

  • .
    30.05.2025
    А калі беларусаў (герояў), якія ваявалі на баку Украіны, абменьваць на беларусаў (здраднікаў), якія ваявалі на баку Расеі?
    І які тут можа быць уплыў на адносіны з Беларуссю? Або і гэтыя факты дрэнныя для прапаганды?
    Бедныя беларускія хлопцы, нават на вызваленне праз абмен апошнія ў чарзе...
  • Нет никакаких "Эуропы" и "Эурарадио",
    31.05.2025
    [Рэд. выдалена]
  • ответ очевиден
    31.05.2025
    [Рэд. выдалена]

Цяпер чытаюць

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі9

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

Усе навіны →
Усе навіны

Колькасць пацверджаных расійскіх ваенных страт перавысіла 120 тысяч чалавек11

У цэнтры Брэста паставілі гіганцкі помнік гузіку9

Праект Belaruskicry прызнаны экстрэмісцкім фармаваннем4

«Прапаноўваў два блокі Winston, каб перадалі Знаку ліст». Былы палітвязень Дзмітры Міхайлаў — пра Максіма Знака

У Мінску здарыўся чарговы патоп

Шрайбман: Лукашэнка больш прагматычны за Пуціна10

У Закарпацці падлеткі 13, 14, 16 і 17 гадоў згвалтавалі 46-гадовую жанчыну3

Палітвязню з Маладзечна, у якога няма адной нагі, прысудзілі 4 гады калоніі1

Блогер-канспіролаг Вірус спыняе сваю дзейнасць, бо ніхто яму не данаціў13

больш чытаных навін
больш лайканых навін

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі9

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

Галоўнае
Усе навіны →

Заўвага:

 

 

 

 

Закрыць Паведаміць