Кандыдат у прэзідэнты Польшчы падчас тэледэбатаў ужываў стымуляцыйнае рэчыва. Гэта выклікала вялікі рэзананс
Падчас тэледэбатаў паміж кандыдатамі ў прэзідэнты Польшчы Каралем Наўроцкім і Рафалам Тшаскоўскім Наўроцкі нечакана закрыў рот рукой і паклаў нешта сабе пад губу. Пазней ён сказаў, што гэта была жавальная гумка, але ўрэшце аказалася, што насамрэч палітык ужываў снюс — тытунёвы прадукт.
Гэта відэа хутка распаўсюдзілася ў сацыяльных сетках і выклікала шмат спекуляцый і абмеркаванняў. Некаторыя палітыкі і каментатары нават меркавалі, што Наўроцкі мог ужываць забароненыя рэчывы. У яго штабе, аднак, адказалі, што на відэа бачны снюс, які Наўроцкі нібыта ўжываў для таго, каб не заснуць падчас доўгіх прамоў Тшаскоўскага.
Аднак жа праблема ў тым, што снюс забаронены ў Польшчы і ў большасці краін ЕС. Праўда, паводле экспертных меркаванняў, Наўроцкі выкарыстаў «белы снюс» — легальны заменнік снюсу, які не ўтрымлівае тытуню, але змяшчае нікацін.
Сам Караль Наўроцкі пазней у інтэрв’ю пацвердзіў, што гэта быў нікацінавы пакецік — дазволены ў ЕС прадукт, які змяшчае нікацін і араматызатары. Гэтыя пакецікі выклікаюць выпрацоўку дафаміну і сератаніну, што стымулюе арганізм у стрэсавых сітуацыях.
Аднак і яны шкодзяць здароўю: нікацін пагражае слізістым абалонкам, можа паскараць развіццё анкалогіі, а соль, якая ёсць у складзе пакецікаў, шкодзіць дзяснам.
Таму звычайны на першы погляд жэст Наўроцкага на дэбатах выклікаў шырокую дыскусію пра легальнасць і шкоду нікацінавых прадуктаў, а таксама пра тое, што дапушчальна і што не рабіць публічным асобам.
Абодва згаданыя кандыдаты ў прэзідэнты прайшлі ў другі тур выбараў па выніках першага, які прайшоў 18 мая. Мэр Варшавы Рафал Тшаскоўскі балатуецца ад ад кіроўнай партыі «Грамадзянская платформа», а дырэктар Інстытута нацыянальнай памяці Караль Наўроцкі фармальна беспартыйны, але яго падтрымлівае галоўная апазіцыйная партыя «Права і справядлівасць».
Адзіная гміна ў Польшчы, дзе перамог Мэнцэн, заселеная беларусамі. Але галасавалі не яны
Што за Мэнцэн і Зандберг і чаму маладыя палякі масава галасавалі за іх?
У беларусаў Польшчы былі прычыны не галасаваць за Тшаскоўскага
«Пшэпшык». Гэта рэальны тэг, пад якім прапаганда піша пра выбары ў Польшчы і распальвае недавер да іх вынікаў
Прэзідэнцкія выбары ў Польшчы: хто асноўныя фаварыты і што яны казалі пра Беларусь
Чаму аднушка пана Ежы можа вырашыць лёс выбараў прэзідэнта Польшчы. Што трэба ведаць пра першы тур галасавання
Фіналістак конкурсу «Міс Беларусь — 2025» вывелі на сцэну ў касцюмах з цытатамі Лукашэнкі19
Каментары