Kandydat u prezidenty Polščy padčas teledebataŭ užyvaŭ stymulacyjnaje rečyva. Heta vyklikała vialiki rezanans
Padčas teledebataŭ pamiž kandydatami ŭ prezidenty Polščy Karalem Naŭrockim i Rafałam Tšaskoŭskim Naŭrocki niečakana zakryŭ rot rukoj i pakłaŭ niešta sabie pad hubu. Paźniej jon skazaŭ, što heta była žavalnaja humka, ale ŭrešcie akazałasia, što nasamreč palityk užyvaŭ śnius — tytuniovy pradukt.
Heta videa chutka raspaŭsiudziłasia ŭ sacyjalnych sietkach i vyklikała šmat śpiekulacyj i abmierkavańniaŭ. Niekatoryja palityki i kamientatary navat mierkavali, što Naŭrocki moh užyvać zabaronienyja rečyvy. U jaho štabie, adnak, adkazali, što na videa bačny śnius, jaki Naŭrocki nibyta ŭžyvaŭ dla taho, kab nie zasnuć padčas doŭhich pramoŭ Tšaskoŭskaha.
Adnak ža prablema ŭ tym, što śnius zabaronieny ŭ Polščy i ŭ bolšaści krain ES. Praŭda, pavodle ekśpiertnych mierkavańniaŭ, Naŭrocki vykarystaŭ «bieły śnius» — lehalny zamieńnik śniusu, jaki nie ŭtrymlivaje tytuniu, ale źmiaščaje nikacin.
Sam Karal Naŭrocki paźniej u intervju paćvierdziŭ, što heta byŭ nikacinavy pakiecik — dazvoleny ŭ ES pradukt, jaki źmiaščaje nikacin i aramatyzatary. Hetyja pakieciki vyklikajuć vypracoŭku dafaminu i sierataninu, što stymuluje arhanizm u stresavych situacyjach.
Adnak i jany škodziać zdaroŭju: nikacin pahražaje ślizistym abałonkam, moža paskarać raźvićcio ankałohii, a sol, jakaja jość u składzie pakiecikaŭ, škodzić dziasnam.
Tamu zvyčajny na pieršy pohlad žest Naŭrockaha na debatach vyklikaŭ šyrokuju dyskusiju pra lehalnaść i škodu nikacinavych praduktaŭ, a taksama pra toje, što dapuščalna i što nie rabić publičnym asobam.
Abodva zhadanyja kandydaty ŭ prezidenty prajšli ŭ druhi tur vybaraŭ pa vynikach pieršaha, jaki prajšoŭ 18 maja. Mer Varšavy Rafał Tšaskoŭski bałatujecca ad ad kiroŭnaj partyi «Hramadzianskaja płatforma», a dyrektar Instytuta nacyjanalnaj pamiaci Karal Naŭrocki farmalna biespartyjny, ale jaho padtrymlivaje hałoŭnaja apazicyjnaja partyja «Prava i spraviadlivaść».
Adzinaja hmina ŭ Polščy, dzie pieramoh Mencen, zasielenaja biełarusami. Ale hałasavali nie jany
Što za Mencen i Zandbierh i čamu maładyja palaki masava hałasavali za ich?
U biełarusaŭ Polščy byli pryčyny nie hałasavać za Tšaskoŭskaha
«Pšepšyk». Heta realny teh, pad jakim prapahanda piša pra vybary ŭ Polščy i raspalvaje niedavier da ich vynikaŭ
Prezidenckija vybary ŭ Polščy: chto asnoŭnyja favaryty i što jany kazali pra Biełaruś
Čamu adnuška pana Ježy moža vyrašyć los vybaraŭ prezidenta Polščy. Što treba viedać pra pieršy tur hałasavańnia
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2727
Kamientary