Лукашэнка заклікаў новапрызначаных вертыкальшчыкаў чытаць тыктокі
Выступаючы перад сёння прызначанымі на новыя пасады чыноўнікамі, Лукашэнка даволі доўга вучыў іх, як трэба выстройваць камунікацыю з людзьмі. Выглядае, што народная незадаволенасць уладамі, якая, нягледзячы на ўсе зачысткі інфармацыйнага поля, усё ж такі прарываецца ў сацсеткі, не застаецца незаўважанай і прымушае неяк рэагаваць.
Па словах Лукашэнкі, у кіраванні не павінна быць ніякіх «наскокаў», бо цяпер, маўляў, не 1990-я гады, калі яны былі патрэбныя. Цяпер трэба з людзьмі дзейнічаць акуратна, бо гэта «нашы людзі», а «варожыя сілы» нібыта ўжо ўсе пазбягалі з Беларусі.
Калі казаць пра кіраўніцтва, то кожнаму чалавеку, маўляў, павінен быць дадзены шанец, а ў падначаленыя сабе вертыкальшчыкі павінны падбіраць людзей, якія «бягуць», бо свет вельмі хутка рухаецца наперад. Калі нехта з кіраўнікоў «не бяжыць», то яго трэба замяняць на таго, які «бяжыць». Але рабіць гэта трэба «акуратна, не душыць». Толькі калі чалавек яўна не цягне, тады ад яго трэба пазбаўляцца, бо інакш «тое месца будзе правалена».
Таксама вельмі лагоднымі вертыкальшчыкі павінны быць з простымі людзьмі:
«Будзьце вельмі акуратныя, з павагай стаўцеся да людзей. Не адпіхвайце, не адштурхоўвайце, ніякага бюракратызму і валакіты. Чалавек звярнуўся — скажыце яму так ці не. Павінна быць адкрытая, сумленная палітыка і стаўленне да людзей. Гэта галоўнае для вас.
Так, часам яны ставяць не вашы пытанні, часам ёсць прафесійныя скаржнікі — ведаюць усё сваё жыццё, што трэба прыйсці і ставіць нейкія пытанні, нешта прасіць. Яму ўжо і не трэба гэта, а ён усё адно ходзіць. І такія людзі ёсць, але трэба і з такімі людзьмі працаваць, трэба знаходзіць да іх падыход».
Лукашэнка наракае, што «неакуратныя» вертыкальшчыкі кідаюць цень і на яго самога, прытым выглядае, што падначаленыя дакладваюць яму пра моцную незадаволенасць грамадства рознымі бытавымі праблемамі, якая бачная ў сацсетках.
«Вы мой твар на месцы, вашы ўсе памылкі праецыруюцца на прэзідэнта. Пачытайце гэтыя тыктокі і сацыяльныя сеткі. Нешта дзесьці вы там не так зрабілі ці не вырашылі — а вось прэзідэнт, трэба да яго, што ён, не бачыць там і гэтак далей. Правільна ставяць людзі пытанні — я вас прызначаю, я за вас нясу адказнасць», — Лукашэнка нават дапусціў невялікую долю самакрытыкі.
Лукашэнка пра замаразкі: Катастрофы няма
Пяткевіч: Сацыяльная сфера — яшчэ і эканоміка. А ў культуры людзі хацелі б, каб было, як у іншых краінах
Пасла Беларусі ў Грузіі Анатоля Ліса звольнілі пасля таго, як яго сын быў абвешчаны «экстрэмістам»
Лукашэнка зноў заявіў пра патрэбу запрашэння працоўных мігрантаў
Наталля Пяткевіч стала віцэ-прэм'ерам, а Каранік узначаліў Акадэмію навук
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары