Łukašenka zaklikaŭ novapryznačanych viertykalščykaŭ čytać tyktoki
Vystupajučy pierad siońnia pryznačanymi na novyja pasady čynoŭnikami, Łukašenka davoli doŭha vučyŭ ich, jak treba vystrojvać kamunikacyju ź ludźmi. Vyhladaje, što narodnaja niezadavolenaść uładami, jakaja, niahledziačy na ŭsie začystki infarmacyjnaha pola, usio ž taki praryvajecca ŭ sacsietki, nie zastajecca niezaŭvažanaj i prymušaje niejak reahavać.
Pa słovach Łukašenki, u kiravańni nie pavinna być nijakich «naskokaŭ», bo ciapier, maŭlaŭ, nie 1990-ja hady, kali jany byli patrebnyja. Ciapier treba ź ludźmi dziejničać akuratna, bo heta «našy ludzi», a «varožyja siły» nibyta ŭžo ŭsie paźbiahali ź Biełarusi.
Kali kazać pra kiraŭnictva, to kožnamu čałavieku, maŭlaŭ, pavinien być dadzieny šaniec, a ŭ padnačalenyja sabie viertykalščyki pavinny padbirać ludziej, jakija «biahuć», bo śviet vielmi chutka ruchajecca napierad. Kali niechta z kiraŭnikoŭ «nie biažyć», to jaho treba zamianiać na taho, jaki «biažyć». Ale rabić heta treba «akuratna, nie dušyć». Tolki kali čałaviek jaŭna nie ciahnie, tady ad jaho treba pazbaŭlacca, bo inakš «toje miesca budzie pravalena».
Taksama vielmi łahodnymi viertykalščyki pavinny być z prostymi ludźmi:
«Budźcie vielmi akuratnyja, z pavahaj staŭciesia da ludziej. Nie adpichvajcie, nie adšturchoŭvajcie, nijakaha biurakratyzmu i vałakity. Čałaviek źviarnuŭsia — skažycie jamu tak ci nie. Pavinna być adkrytaja, sumlennaja palityka i staŭleńnie da ludziej. Heta hałoŭnaje dla vas.
Tak, časam jany staviać nie vašy pytańni, časam jość prafiesijnyja skaržniki — viedajuć usio svajo žyćcio, što treba pryjści i stavić niejkija pytańni, niešta prasić. Jamu ŭžo i nie treba heta, a jon usio adno chodzić. I takija ludzi jość, ale treba i z takimi ludźmi pracavać, treba znachodzić da ich padychod».
Łukašenka narakaje, što «nieakuratnyja» viertykalščyki kidajuć cień i na jaho samoha, prytym vyhladaje, što padnačalenyja dakładvajuć jamu pra mocnuju niezadavolenaść hramadstva roznymi bytavymi prablemami, jakaja bačnaja ŭ sacsietkach.
«Vy moj tvar na miescy, vašy ŭsie pamyłki prajecyrujucca na prezidenta. Pačytajcie hetyja tyktoki i sacyjalnyja sietki. Niešta dzieści vy tam nie tak zrabili ci nie vyrašyli — a voś prezident, treba da jaho, što jon, nie bačyć tam i hetak dalej. Pravilna staviać ludzi pytańni — ja vas pryznačaju, ja za vas niasu adkaznaść», — Łukašenka navat dapuściŭ nievialikuju dolu samakrytyki.
Łukašenka pra zamarazki: Katastrofy niama
Piatkievič: Sacyjalnaja śfiera — jašče i ekanomika. A ŭ kultury ludzi chacieli b, kab było, jak u inšych krainach
Pasła Biełarusi ŭ Hruzii Anatola Lisa zvolnili paśla taho, jak jaho syn byŭ abvieščany «ekstremistam»
Łukašenka znoŭ zajaviŭ pra patrebu zaprašeńnia pracoŭnych mihrantaŭ
Natalla Piatkievič stała vice-premjeram, a Karanik uznačaliŭ Akademiju navuk
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia21
Kamientary