Natalla Piatkievič stała vice-premjeram, a Karanik uznačaliŭ Akademiju navuk
Novaja pasada i ŭ staršyni KDB Valera Vakulčyka — jon ciapier kiraŭnik aparata Savieta ministraŭ.
Alaksandr Łukašenka zładziŭ masavuju pierastanoŭku čynoŭnikaŭ.
Natalla Piatkievič pryznačana vice-premjeram pa sacyjalnych pytańniach. Raniej jana była pieršaj namieśnicaj kiraŭnika Administracyi Łukašenki.
Jana zaniała miesca Uładzimira Karanika. A toj, pabyŭšy vice-premjeram usiaho dva miesiacy, ciapier uznačaliŭ Akademiju navuk.
Na miesca Piatkievič staŭ Uładzimir Piarcoŭ. Jon byŭ prosta namieśnikam kiraŭnika Administracyi Łukašenki, a ciapier budzie pieršym namieśnikam.
Były staršynia KDB Valer Vakulčyk ciapier staŭ kiraŭnikom aparata Savieta ministraŭ.
Zvolnili pasła ŭ Hruzii Anatola Lisa, čyj syn trapiŭ na chatniuju chimiju za ŭdzieł u pratestach.
Novym pasłom u Hruzii budzie Mikałaj Rahaščuk. Jon byŭ namieśnikam kiraŭnika spraŭ Łukašenki.
Mikałaj Šarstnioŭ, staršynia Biełaruskaj fiederacyi futboła, staŭ namieśnikam kiraŭnika spraŭ Łukašenki.
Aproč taho, rektaram Biełaruskaj dziaržaŭnaj akademii avijacyi stanie Ihar Jackievič, Aleh Panasiuk — dyrektaram «Kieramina».
Staršyniom Połackaha rajvykankama staŭ Vasil Šyłaŭ, Vierchniadźvinskaha rajvykankama — Vital Łaŭrynaŭ, Miorskaha rajvykankama — Alaksandr Jarachnovič, Šarkoŭščynskaha rajvykankama — Siarhiej Kašmiło, Čerykaŭskaha — Alaksiej Žarnasiekaŭ.
Namieśnikaj staršyni Mahiloŭskaha abłvykankama pa ekanamičnych pytańniach stanie Alena Prudnikava-Kirpičanok, staršynioj Babrujskaha harvykankama stanie Maksim Huryn. A Eduard Tamilčyk pryznačany kiraŭnikom administracyi Kastryčnickaha rajona Minska.
Kamientary