Na miažy Biełarusi i Ukrainy prachodzić najbujniejšy abmien pałonnymi ŭ farmacie 1000ch1000
Najbujniejny abmien pałonnymi prachodzić prosta ciapier na miažy Ukrainy i Biełarusi. Rasija viartaje dadomu amal usich svaich vajskoŭcaŭ, što trapili ŭ pałon za try hady vajny. Ukraina — mienš za 10%, paviedamlajuć rasijskija ŚMI.
Donald Tramp užo pavinšavaŭ abodva baki z pośpiecham, ale jon paśpiašaŭsia — abmien prachodzić u niekalki etapaŭ i moža ciahnucca niekalki dzion, z 23 pa 25 maja.
Pavodle źviestak Mash, na hety momant u pałonie va Ukrainie znachodzicca kala 1300 vajskoŭcaŭ Uzbrojenych sił RF. U pałonie ŭ Rasii — amal 10 tysiač vajskoŭcaŭ Uzbrojenych sił Ukrainy. U 2024 hodzie pamiž krainami aficyjna było praviedziena 12 abmienaŭ, Rasija viarnuła 535 vajskoŭcaŭ. U 2025-m — piać abmienaŭ, RF atrymała 800 čałaviek.
Usich zaćvierdžanych da abmienu rasijan trymali ŭ pryhraničnaj kałonii ŭ Sumach. U asnoŭnym heta bajcy z Kurskaha i Charkaŭskaha napramkaŭ.
Ukraincaŭ u Rasii taksama ŭtrymlivajuć u pryhraničnych kałonijach — u Kurskaj vobłaści i ŭ Navazybkavie Branskaj vobłaści.
Pierad abmienam Rasija i Ukraina pradstavili śpisy tych, kaho chočuć viarnuć. HRU, HUR i kontrraźviedka FSB praviali pravierku kandydataŭ — na heta spatrebiłasia kala tydnia. Śpisy byli pieradadzieny amal adrazu paśla pieramovaŭ u Stambule.
Kamientary
Adnak pry niaroŭnych ličbach pałonnych razmaŭlajuć pra formułu "usich na ŭsich".
(Razumieju, što ŭkrainski bok moh tak stavić umovy na pieramovach, pytańnie nie da ich).