Avijalinii mohuć uvieści stajačyja miescy ŭžo ŭ 2026 hodzie

Jak piša The Sun, avijakampanii nizkabiudžetnaha siehmienta surjozna zadumalisia ab zapusku stajačych miescaŭ u svaich samalotach. Kali ideja atrymaje adabreńnie rehulataraŭ, novaŭviadzieńnie moža źjavicca ŭžo ŭ 2026 hodzie.

Havorka idzie ab tak zvanych «stajača-siadziačych» miescach — pasažyry nie buduć siadzieć u poŭnym sensie słova, a chutčej abapiracca na miakkija viertykalnyja kanstrukcyi, jakija addalena nahadvajuć siadzieńni amierykanskich horak. Pa zadumach raspracoŭščykaŭ, heta dazvolić pavialičyć źmiaščalnaść samalota na 20%.

Italjanskaja kampanija Aviointeriors raspracavała madel Skyrider 2.0 jašče ŭ 2018 hodzie. Siadzieńnie ŭjaŭlaje saboj palepšanuju kancepcyju, jakuju pačali realizoŭvać u 2010 hodzie. Vaha siadzieńnia na 50% mienšaja za standartnyja kresły ekanom-kłasa. Taksama Skyrider 2.0 utrymoŭvaje mienš kampanientaŭ, što robić ich techničnaje absłuhoŭvańnie bolš tannym.

Madel Skyrider 2.0 apisvałasia jak inavacyjnaje rašeńnie dla zvyšščylnaj kampanoŭki sałona. Siadzieńni ŭstaloŭvajucca ź minimalnym krokam pamiž šerahami, ale, jak zapeŭnivaje vytvorca, pry hetym zachoŭvajecca prymalny ŭzrovień kamfortu.

COMING IN 2026: AIRLINES CONSIDER STANDING “SEATS” TO FIT MORE PASSENGERS

A controversial new airline seat design—dubbed Skyrider 2.0—is sparking debate across the industry.

Designed by Italian firm Aviointeriors, the saddle-style setup would have passengers straddle upright… pic.twitter.com/oqFheKmAVB

— Nexanews (@NexaNewsHQ1) May 22, 2025

Pa słovach pradstaŭnikoŭ Aviointeriors, takoje rašeńnie adkryvaje mahčymaści dla hibrydnych kłasaŭ u adnym sałonie i robić avijapieraloty bolš dastupnymi dla masavaha pasažyra.

Jak adznačaje vydańnie, kiraŭnik Ryanair Majkł O'Liry daŭno prasoŭvaje ideju viertykalnych miescaŭ. Jašče ŭ 2010 hodzie jon prapanavaŭ skaracić vydatki, ustalavaŭšy stajačyja miescy, a ŭ 2012 hodzie zajaviŭ, što bilety na takija miescy mohuć kaštavać usiaho 1 funt sterlinhaŭ.

Nie tolki jeŭrapiejskija kampanii razhladali padobnuju ideju. U 2018 hodzie kałumbijskaja VivaColombia taksama zacikaviłasia viertykalnymi miescami, spadziejučysia zrabić avijapieraloty dastupnymi navat dla samych biednych pasažyraŭ.

Choć pieršapačatkovaja kancepcyja Skyrider źjaviłasia jašče ŭ 2010 hodzie, tolki niadaŭna novaja viersija kresła prajšła nieabchodnyja vyprabavańni na biaśpieku. Čakajecca, što takija stajačyja miescy buduć dazvolenyja na karotkich rejsach praciahłaściu da dźviuch hadzin.

Tym nie mienš na hety momant nivodnaja avijakampanija pakul nie paćvierdziła ŭstaloŭvańnie takich miescaŭ. Ale kali heta adbudziecca — novy farmat pieralotaŭ moža kardynalna źmianić zvykły «ekanom».

• 3
• 0
• 3
• 16
• 2
• 0
• 0
• 1