Hiendyrektara Ryanair patrolili ŭ restaranie: u jahony rachunak uklučyli dapłatu za prastoru dla noh
Kiraŭnik viadomaha łoŭkosta, jaki biare z pasažyraŭ dadatkovuju płatu praktyčna za ŭsio, atrymaŭ u restaranie vielmi niezvyčajny rachunak.
Irłandski restaran patroliŭ Majkła O'Liry — hienieralnaha dyrektara biudžetnaj avijakampanii Ryanair. Da jaho rachunku dadali dadatkovyja zbory, paradzirujučy šmatlikija dapłaty, jakija jaho avijakampanija časta spahaniaje z klijentaŭ, piša New York Post.
O'Liry naviedaŭ restaran Luvida ŭ miastečku Navan u minułuju piatnicu. U kancy viečara jamu prynieśli rachunak z dadatkovymi zborami na sumu ŭ 37,85 jeŭra. Jany ŭklučali płatu za «dadatkovuju prastoru dla noh» (7,95 jeŭra), «pryjarytetnaje raźmiaščeńnie» (9,95 jeŭra) i «braniavańnie miesca ŭ zonie cišyni» (19,95 jeŭra).
Pajeŭ O'Liry na 142 jeŭra, nie ličačy dapłataŭ — jon zamoviŭ butelku pina-hry, krevietki ŭ klary, tost z hrybami i sibas na ahulnuju sumu 142,30 jeŭra.
«Dziakuj Majkłu O'Liry za toje, što vybraŭ naš restaran siońnia ŭviečary! Było pryjemna vas u nas prymać.
Spadziajemsia, vy nie suprać, što my dadali da vašaha rachunku dadatkovyja zbory za pavialičanuju prastoru dla noh, pryjarytetnaje raźmiaščeńnie ŭ kabincy i braniavańnie ŭ cichaj zonie», — pažartavaŭ restaran u sacsietkach, apublikavaŭšy niezvyčajny ček.
Jak akazałasia, O'Liry ŭsio ž nie pryjšłosia dapłačvać za viačeru. Mieniedžar restarana Maryka Chacianovič raskazała, što ŭ vyniku hetyja hrošy z hienieralnaha dyrektara Ryanair nie spahaniali.
«My źbiralisia, ale ŭ apošni momant spałochalisia», — pryznałasia jana, dadaŭšy, što nastupnym razam abyścisia biez apłaty nie atrymajecca.
O'Liry, vyhladaje, acaniŭ žart: paśla viačery jon sfatahrafavaŭsia z Chacianovič.
Mieniedžarka taksama padkreśliła, što, niezaležna ad žartu z dapłatami, hość pakinuŭ ščodryja čajavyja.
«Jon sapraŭdy pakinuŭ dobryja čajavyja. Chtości napisaŭ zły kamientar, što, maŭlaŭ, jon, napeŭna, ničoha nie pakinuŭ, ale heta niapraŭda», — adznačyła Chacianovič.
Kampanija Ryanair viadomaja svajoj palitykaj dadatkovych zboraŭ. Niadaŭna avijakampanija abviaściła, što budzie štrafavać pasažyraŭ za spaźnieńnie na rehistracyju,
Ryanair budzie štrafavać pasažyraŭ, što spaźnilisia na rehistracyju
Kot prabraŭsia ŭ samalot, napałochana tam siadzieŭ i nie davaŭ siabie złavić. Rejs zatrymali na dvoje sutak
Wizz Air admoviŭ biełaruscy z polskim prajaznym dakumientam u pasadcy na rejs na Kipr
Ryanair całkam admaŭlajecca ad papiarovych pasadačnych tałonaŭ
Ciapier čytajuć
Stalinista-jabaćku z Homiela zatrymali paśla taho, jak jon zaprasiŭ Łukašenku na hvałtoŭnaje zakryćcio svajho treciaha kafe26
Kamientary