Вайна11

Сярод расійскіх перамоўнікаў у Стамбуле — кіраўнік злавеснага ГРУ. Хто ён, Ігар Касцюкоў?

Начальнік Галоўнага ўпраўлення Генштаба Узброеных сіл Расіі ўяўляе сабой тыповага «ціхага» дзеяча расійскай вайскова-палітычнай эліты.

Ігар Касцюкоў Игорь Костюков Igor Kostyukov
Ігар Касцюкоў — першы злева. Фота: Alexei Druzhinin, Sputnik, Kremlin Pool Photo via AP

Паводле афіцыйных звестак, Ігар Касцюкоў нарадзіўся ў лютым 1961 года ў Амурскай вобласці. Пасля школы атрымаў вышэйшую вайскова-марскую адукацыю, а затым скончыў Вайскова-дыпламатычную акадэмію Міністэрства абароны СССР.

Службу пачынаў у дыпламатычных структурах — у якасці вайсковага аташэ пры пасольстве Расіі ў Грэцыі. Пасля гэтага працягнуў кар’еру ў Галоўным разведвальным упраўленні Генштаба (ГРУ). У 2010 годзе гэтае ўпраўленне атрымала новую афіцыйную назву — Галоўнае ўпраўленне Генштаба (ГУ), хоць старая абрэвіятура «ГРУ» дагэтуль шырока выкарыстоўваецца ў СМІ і прафесійным асяроддзі.

У 2018 годзе Касцюкоў узначаліў гэтую структуру. Прызначэнне на гэтую пасаду чалавека з вайскова-марскім досведам было знакавай падзеяй — Касцюкоў стаў першым выходцам з ВМФ, які ўзначаліў вайсковую выведку краіны ў постсавецкі час.

У цяперашняй структуры расійскіх узброеных сіл адмірал Ігар Касцюкоў займае адзін з ключавых пастоў. Як начальнік ГУ Генштаба і адначасова намеснік начальніка Генеральнага штаба, ён адказвае за ўсю разведвальную дзейнасць вайсковага ведамства і з’яўляецца важным дарадцам для вышэйшага камандавання.

На пасадзе аднаго з кіраўнікоў расійскай вайсковай разведкі Ігар Касцюкоў адыгрываў значную ролю ў кіраванні інтэрвенцыяй Расіі ў Сірыі, якая праводзілася пад сцягам барацьбы з міжнароднай тэрарыстычнай арганізацыяй «Ісламская дзяржава». 

У 2017 годзе Касцюкову «закрытым» указам было прысвоена званне Героя Расійскай Федэрацыі. Афіцыйна — «за мужнасць і гераізм, праяўленыя пры выкананні вайсковага абавязку».

Адмірал Ігар Касцюкоў уяўляе сабой тыповага «ціхага» дзеяча расійскай вайскова-палітычнай эліты — ён не дае публічных інтэрв’ю і мала вядомы шырокай грамадскасці, аднак адыгрывае важную ролю ў фарміраванні стратэгіі Расіі.

Віцэ-адмірал Ігар Касцюкоў (справа) перад пачаткам мерапрыемства, прысвечанага 100-годдзю ўтварэння ГРУ. Масква, 2 лістапада 2018 года. Фота: Wikimedia Commons

Кіруючы Галоўным упраўленнем (былым ГРУ), Касцюкоў стаіць на чале вайсковай разведкі, што апошнім часам дзейнічае як ва ўласна вайсковых канфліктах, так і на нябачным фронце інфармацыйных і кібераперацый па ўсім свеце.

За спробу падрыву амерыканскай дэмакратыі і ўмяшанне ў выбары з 2016 года Касцюкоў трапіў пад санкцыі ЗША. Пасля расійскага ўварвання ва Украіну ён трапіў таксама пад санкцыі Канады, Аўстраліі, Японіі, Новай Зеландыі — як адзін з прадстаўнікоў расійскага вайскова-палітычнага кіраўніцтва, адказных за агрэсію.

Правальны для Расіі ход ваенных дзеянняў, няздольнасць Масквы дабіцца першапачатковых мэтаў і шалёная людская цана, якую РФ плаціць за гэтую вайну, паказалі кіраўніцтву Расіі, наколькі яны першапачаткова недаацэньвалі Украіну і Захад.

Хоць афіцыйна дэлегацыю Украіны ў Стамбуле ўзначальвае дарадца Пуціна, ідэолаг Уладзімір Мядзінскі, магчыма, менавіта Касцюкоў — ключавая асоба на перамовах у Стамбуле. Як кіраўнік разведкі, ён валодае той інфармацыяй, якая будзе вызначаць сапраўдныя перамоўныя пазіцыі Масквы.

Каментары1

  • Барадзед
    15.05.2025
    Значит костюков - приоритетная цель.

Цяпер чытаюць

Трамп паведаміў, што ў панядзелак будзе гаварыць з Пуціным5

Трамп паведаміў, што ў панядзелак будзе гаварыць з Пуціным

Усе навіны →
Усе навіны

Туск пасля размовы з Трампам: Нас чакаюць вельмі цяжкія дні3

Беларусы, якія робяць шэнгенскія візы праз Іспанію, сутыкнуліся з праблемай

«Каўбасныя *опы». Беларус паказаў у тыктоку незвычайны тавар ад Брэсцкага мясакамбіната3

Праўладная блогерка з Барысава папрасіла падпісчыкаў падзяліцца праблемнымі пытаннямі. І ёй іх накідалі2

У Глыбоцкім раёне заўважылі аблокі, падобныя да вымені. Што за яны?1

Расійская эканоміка пачала 2025 год з моцным запаволеннем6

Нявестка Ананіч пасля звальнення з СБ знайшла працу не бі ляжачага4

Прэм'ер Албаніі сустрэў Джорджу Мелоні ў Тыране рыцарскім паклонам ВІДЭА

Пашынян у Тыране прапанаваў Аліеву пайсці папіць кавы ВІДЭА

больш чытаных навін
больш лайканых навін

Трамп паведаміў, што ў панядзелак будзе гаварыць з Пуціным5

Трамп паведаміў, што ў панядзелак будзе гаварыць з Пуціным

Галоўнае
Усе навіны →

Заўвага:

 

 

 

 

Закрыць Паведаміць