Зяленскі адпраўляе перамаўляцца з Мядзінскім дэлегацыю на чале з Умеравым
Украіна накіроўвае сваю дэлегацыю на перамовы з Расіяй у Стамбул. Узначаліць яе міністр абароны Рустэм Умераў, заявіў прэзідэнт Украіны Уладзімір Зяленскі.
Па словах Зяленскага, ён вырашыў адправіць перагаворшчыкаў у Стамбул з павагі да прэзідэнта ЗША Дональда Трампа і прэзідэнта Турцыі Рэджэпа Таіпа Эрдагана.
«Нягледзячы на невысокі ўзровень дэлегацыі РФ, аднак з павагай да ЗША і Эрдагана, я вырашыў адправіць у Стамбул нашу дэлегацыю, але не ўсіх», — заявіў Уладзімір Зяленскі.
Таксама прэзідэнт Украіны сказаў, што Расія «несур'ёзна» ставіцца да перамоў, пра што сведчыць узровень яе дэлегацыі.
Паводле яго слоў, галоўны прыярытэт для Кіева — спыненне агню:
«Украіна зацікаўленая, мы дамовіліся з Эрдаганам. Наша група і турэцкая група будуць прысутнічаць. Будзе сустрэча і з амерыканскімі партнёрамі і расейскім бокам. Мы будзем канструктыўнымі і будзем прысутнічаць у розных фарматах».
У той жа час больш прадстаўнічая ўкраінская дэлегацыя застанецца на ўсялякі выпадак ў Стамбуле і заўтра. Зяленскі па-ранейшаму гатовы да прамых перамоў непасрэдна з прэзідэнтам Расіі Уладзімірам Пуціным.
Учора стала вядома, што дэлегацыю Расіі на меркаваных перамовах узначаліць памочнік прэзідэнта Уладзімір Мядзінскі.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы19
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары